गायक रमण रेग्मीको ‘घर त लगन खेल’मा सरोज र आश्माको रोमान्स

संगीत

नेपाल लाइभ आइतबार, कात्तिक १९, २०८० १७:३६

काठमाडौं– गायक रमण रेग्मीको घर त लगन खेल बोलको गीतको रिमेक भर्सन सार्वजनिक भएको छ। मधु क्षेत्री र सुन्दर श्रेष्ठको स्वरमा यसअघि रेकर्ड भएको गीतलाई गायक रेग्मीले राम्रो गीत भएका कारण नयाँ पुस्तालाई पनि लक्षीत गर्दै गीतको मर्मलाई जीवन्त बनाउन रिमेक गरिएको बताए।

हालै गायक रमनको स्वरमा सार्वजनिक गीतमा उदयराज पौडेलको एरेन्ज रहेको छ। शान्त भगत राउतका शब्द रहेको गीतमा मिक्सिङ तथा मास्टरिङ कुमार केसीले गरेका हुन्। भिडियोमा कार्टुन क्रुका सरोज अधिकारी र आश्मा विश्वकर्माको अभिनय देख्न सकिन्छ।

जसको निर्देशन अनुभवी निर्देशक सुब्रतराज आचार्यले गरेका हुन्। लोक शैलीमा आधारित छमछम नचाउने खालको गीतमा आश्मा र सरोज गज्जबसँग खुलेका छन्। प्रेमी प्रेमीकाबिचको रोमान्टिक दृश्यहरुलाई निर्देशक आचार्यले कलात्मक शैलीमा भिडियोमा देखाएका छन्।

भिडियोको छायांकन उत्सव दाहालले गरेका हुन् भने सम्पादन विजेश पौडेलले गरेका हुन्। जसको कोरियोग्राफी सन्तोषराजवाहकले गरेका हुन्। भिडियोको निर्माता सबिना कुँवर रेग्मी हुन्।

जसको प्रायोजन नेपाली स्वामित्वमा स्थापित अष्ट्रेलियन सिटी इन्टरनेशनल कलेज र होम केयरिङ लिभरपुलले गरेका छन्। भिडियो गायक स्वयमकै अफिसियल च्यानल रमन रेग्मी अफिसियल युट्युब च्यानबाट रिलिज गरिएको हो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सहकारी ठगी प्रकरण: रविलाई अदालतमा उपस्थित गराइयो

घुम्नैपर्ने एक सय गन्तव्यमध्येको मुन्दुम पदमार्ग प्रवर्द्धन गर्न महोत्सव

सिंहदरबारमा विपक्षी दलहरूको बैठक जारी