काठमाडौं- प्रधानमन्त्री पुष्पकमल दाहाल प्रचण्ड अध्यक्ष रहेको विपद् जोखिम न्यूनीकरण तथा व्यवस्थापन राष्ट्रिय परिषद्को बैठक जारी रहेको छ।
जाजरकोटमा शुक्रबार गएको भूकम्पका विषयमा छलफल गर्न प्रधानमन्त्रीले बैठक बोलाएका थिए।
सिंहदरबारमा बसेको बैठकमा उपप्रधानमन्त्रीहरू, सबै मन्त्रालयका मन्त्रीहरू, सबै प्रदेशका मुख्यमन्त्रीहरू, विपक्षी दलका नेता, विज्ञ सदस्य, मुख्यसचिव र प्रधानसेनापति लगायत सहभागी छन्।
बैठकमा शुक्रबार राति जाजरकोट केन्द्रबिन्दु भएर गएको भूकम्पको क्षति, राहत, उद्धार र उपचारबारे छलफल भइरहेको छ।
उक्त क्षेत्रमा उद्धारका साथै पुनर्स्थापना र राहतका विषयमा बैठकले नीति बनाउनेछ। सरकारले एकद्वार नीति अपनाउने भन्दै आएको छ। जाजरकोट भूकम्पमा परी हालसम्म १५७ जनाले ज्यान गुमाएका छन्। जाजरकोट र रुकुम पश्चिमसहितका जिल्ला धेरै प्रभावित भएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
