ट्याक्सीमा आएर नगद तथा धनमाल चोरी गर्ने तीन जना पक्राउ

सुरक्षा/अपराध

नेपाल लाइभ मंगलबार, कात्तिक १४, २०८० २१:३०

काठमाडौं–ट्याक्सीमा आएर गरगहना चोरी गर्ने व्यक्तिहरुलाई प्रहरीले पक्राउ गरेको छ।

सिनामंगलस्थितबाट नजिर अन्सारीको साथमा रहेको विभिन्न सुनका गरगहना तथा नगद बा. २ ज.२१८० नम्बरको ट्याक्सीमा आएका अर्जुन थापा समेतका व्यक्तिहरूले जबरजस्ती चोरी गरी लगेको भन्ने सूचनाका आधारमा उनीहरुलाई पक्राउ गरिएको हो।

पक्राउ पर्नेमा अर्जुन थापा, मनोज थापा र शेखर भट्टराई रहेका छन्। उनीहरुलाई प्रहरीले सिनामंगलबाटै पक्राउ गरेको हो।

पक्राउ परेकाहरुको साथबाट ९६ हजार रुपैयाँसमेत बरामद गरेको प्रहरीले जनाएको छ।

पक्राउ परेकामध्ये ३० वर्षीय मनोज सिन्धुपाल्चोकको चौतारा सागाँचोकगढी–१० का हुन्। हाल कौशलटारमा बस्दै आएका उनी ट्याक्सी चालक हुन्।

यस्तै गोरखाका ३२ वर्षीय अर्जुन थापा पनि ट्याक्सी चालक हुन्। यस्तै मेचीनगर–५ झापाका ३० वर्षीय शेखर भट्टराई भने डीआरटी सव रेमिटेन्सका सञ्चालक रहेको प्रहरीले बताएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

दल विभाजनसम्बन्धी अध्यादेश ल्याउन लाग्यो भनेर नकारात्मकता फैलाइएको छ : प्रधानमन्त्री ओली

५८ जिल्लामा भूमि आयोगका अध्यक्ष नियुक्त

विपिन जोशी सकुशल रहेको परराष्ट्रमन्त्रीको दाबी, फर्केर आउने आश्वासन