धनगढी- सुदूरपश्चिम प्रदेशका मुख्यमन्त्री कमलबहादुर शाहले प्रदेशको समृद्धि र विकासका लागि सबै एकजुट हुनुपर्ने बताएका छन्। मुख्यमन्त्री निवासमा आयोजित विजयादशमीको शुभकामना आदानप्रदान कार्यक्रममा मुख्यमन्त्री शाहले सबै दलबीचको एकताबाट मात्र विकास सम्भव रहने बताए।
‘पर्वले हामीबीचको एकतालाई प्रगाढ बनाउन पनि मद्दत गर्छ,’ उनले भने, ‘यसले हामीलाई नयाँ सिराबाट अघि बढ्न पनि प्रेरित गर्छ।’ उनले एकजुट भएर अघि बढ्दै विकास र समृद्धिको खाका कोर्नेतर्फ लाग्नुपर्ने बताए।
मुख्यमन्त्री निवासमा प्रदेशका आन्तरिक मामिला तथा भौतिक पूर्वाधार मन्त्री शिवराज भट्ट, भौतिक पूर्वाधार मन्त्री प्रकाश देउवा, आर्थिक मामिला मन्त्री नरेशबहादुर शाही, उद्योग, पर्यटन, बन तथा वातावरण मन्त्री रमेश धामी, प्रदेश सभा सदस्य, निवर्तमान प्रदेश सभा सदस्य, विभिन्न राजनीतिक दलका नेता, प्रदेश मन्त्रालयका सचिव तथा कर्मचारी, मन्त्रालय मातहातका कार्यालयका कर्मचारी, सञ्चारकर्मी लगायतको सहभागिता थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
