काठमाडौं– झापामा शनिबारदेखि सामुदायिक र संस्थागत विधालयका प्रधानाध्यापक लक्षित गरेर भावातीत ध्यान शिविर सुरु हुँदै छ। प्रधानाध्यापहरुमा तनाव र चिन्ता बढेपछि ध्यान शिविर आयोजना गरिएको आयोजकहरुले जनाएका छन्। संकल्प प्रतिष्ठानको आयोजना र महर्षी फाउन्डेसनको सह आयोजनामा सन्चालन हुन लागेको यो शिविर ४ दिनसम्म चल्ने बताइएको छ।
झापा क्षेत्र–४ भित्र पर्ने सामुदायिक र संस्थागत विद्यालयका प्रधानध्यापकहरु ध्यान शिविरमा सहभागी हुने आयोजक संकल्प प्रतिष्ठानका अध्यक्ष दीपेन्द्र प्रसाईले जानकारी दिए।
झापाको सुरुङ्गास्थित लोटस पार्टी प्यालेसमा हुने ४ दिने ध्यान शिविर ‘समृद्धि लागि संकल्प’ नारासहित संघीय सांसद् लाल प्रसाद साँवा लिम्बू (एलपी साँवा लिम्बू)को पहलमा सन्चालन हुन लागेको हो। दैनिक २ घण्टा हुने ध्यानमा करिब १०० जना प्रधानाध्यापकहरुको सहभागिता रहने आयोजकको अनुमान छ।
माधव अर्यालले ध्यान शिविर सन्चालन गर्नेछन्। ‘तनाव कम गर्ने, जागृत बढाउने, सकारात्मक सोचको विकाससहित हृदय रोग, मुटु रोग, मृगौला रोगजस्ता गम्भिर रोगको जोखिम न्यूनीकरणमा यसले महत्वपूर्ण भूमिका खेल्ने छ’, अध्यक्ष प्रसाईले भने।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
