इजरायलबाट थप २०० नेपाली स्वदेश फर्किन इच्छुक, मृत्यु भएकाको शव ल्याउने प्रक्रिया सुरु

राजनीति

नेपाल लाइभ शुक्रबार, असोज २६, २०८० १३:४९

काठमाडौं– द्वन्द्वग्रस्त इजरायलमा रहेकामध्ये थप २०० नेपालीले स्वदेश फर्किन इच्छा जाहेर गरेका छन्। इजरायलस्थित नेपाली दूतावासले स्वदेश फर्किन चाहने नेपालीको विवरण संकलन गर्ने क्रममा थप २०० नेपालीले आवेदन दिएका हुन्।

शुक्रबार मात्रै २५४ जना नेपाली उद्धार उडानमार्फत् काठमाडौं ल्याइएको छ। इजरायलस्थित नेपाली दूतावासले नेपाल फर्किएका बाहेक थप २०० जनाले स्वदेश फर्किनका लागि आवेदन दिएको बताएको छ।

यस्तै, प्यालेस्टिनी लडाकु समूह हमासको आक्रमणमा परेर मारिएका १० जना नेपालीको शव नेपाल पठाउने प्रक्रिया पनि सुरु भएको दूतावासले जनाएको छ। इजरायलले शव हस्तान्तरणका लागि प्रक्रियाहरु पूरा गर्नुपर्ने भनेपछि मारिएका नेपालीको शव नेपाल ल्याउन समय लाग्ने देखिएको थियो।

हमास समुहको आक्रमणबाट घाइते भएर उपचारमा रहेका ४ जनामध्ये २ दिन अघि डिस्चार्ज भएका १ जनालाई नेपाल पठाइएको इजरायलस्थित नेपाली दूतावासले जानकारी दिएको छ। अर्का १ जना डिस्चार्ज हुने क्रममा रहेको र २ जना उपचारत रहेको दूतावासले जनाएको छ।

सम्पर्कविहीन रहेका १ जनाको खोजी कार्यमा तीव्रता दिन इजरायलस्थित उच्चस्तरीय निकायका पदाधिकारीहरुलाई पुन: अनुरोध गरिएको दूतावासले जनाएको छ। प्रहरी, अस्पताल लगायतका सम्भाब्य सम्पूर्ण माध्यमहरुको प्रयोग गरेर खोजी कार्यलाई तीव्रता पारिएको दूतावासले जनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

पिकनिक गएर फर्केको स्कुल बस शंखरापुरमा दुर्घटना

मेलम्चीको पाइप फुटेर भेल पसेपछि विशेष अदालतको सुनुवाइ रोकियो

भ्रष्टाचार आरोपमा बंगलादेशी क्रिकेटर सोहेली अख्तरलाई पाँच वर्ष प्रतिबन्ध