मधेसमा पनि सिंगै देशको जस्तै भाषिक र सांस्कृतिक विविधता छ: राष्ट्रपति पौडेल

राजनीति

नेपाल लाइभ शुक्रबार, असोज २६, २०८० १३:३२

काठमाडौं– राष्ट्रपति रामचन्द्र पौडेलले मधेसमा पनि सिंगो देशको जस्तै भाषिक र सांस्कृतिक विविधता रहेको बताएका छन्। शुक्रबार मधेसी आयोगको वार्षिक प्रतिवेदन बुझ्दै राष्ट्रपति पौडेलले मधेसी समुदाय नेपालको तराई क्षेत्रमा युगौँदेखि बसोवास गर्दै आएको बताए।

राष्ट्रपति पौडेलले मधेसी समुदायको भाषा, संस्कृति, भेषभूषा, परम्परा, सभ्यता र संस्कार सिंगै देशको जस्तै विविधता रहेको स्पष्ट पारे। उनले भने, ‘नेपाल बहुभाषिक र बहुसांस्कृतिक मुलुक हो। मधेसमा पनि भाषा, संस्कृति, भेषभूषा, परम्परा, सभ्यता र संस्कारमा सिंगै देशको जस्तै विविधता छ।’

राष्ट्रपति पौडेलले संस्कृति व्यक्ति र समुदायको पहिचान र अपनत्व कायम राख्ने महत्वपूर्ण माध्यम भएको बताए। उनले देशको सांस्कृतिक विविधता कायम राख्दै समानता एवम् सहअस्तित्वका आधारमा विभिन्न जातजाति समुदायको भाषा, लिपि, संस्कृति, साहित्य कला र सम्पदाको संरक्षण र विकास गर्ने राज्यको सामाजिक र सांस्कृतिक रूपान्तरण सम्बन्धी नीति रहेको बताए।

प्रतिवेदन बुझाउँदै मधेसी आयोगका अध्यक्ष डा विजयकुमार दत्तले आयोगले मधेस र मधेसीको परिभाषा तय गरेको बताउँदै मधेसी समुदायको जात र थरको पनि सूचीकरण गरेको बताए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

पिकनिक गएर फर्केको स्कुल बस शंखरापुरमा दुर्घटना

संवैधानिक पदाधिकारी नियुक्तिविरुद्धको रिटमाथि अर्को सुनुवाइ २१ फागुनमा

सरकारमा रहेको लोसपाले पनि भूमिसम्बन्धी अध्यादेशमा समर्थन नगर्ने