तस्बिर : सामाजिक सञ्जाल
काठमाडौं- युद्धग्रस्त क्षेत्र इजरायलबाट नेपाली विद्यार्थीलाई उद्धार गरी नेपाल वायुसेवा निगमको जहाज नेपालका लागि उडेको छ। २५३ जना नागरिकको उद्धार गरी तेलअवीवस्थित बेन गुरिन विमानस्थलबाट जहाज उडेको हो।
दुबई ट्रान्जिट बनाएर जहाज नेपाल फर्किनेछ। शुक्रबार बिहान १:३० बजे जहाज काठमाडौंस्थित त्रिभुवन अन्तर्राष्ट्रिय विमानस्थलमा अवतरण गर्ने परराष्ट्र मन्त्रालयले जनाएको छ। प्यालेस्टिनी विद्रोही समूह हमासले इजरायलमा आक्रमण गरेपछि उक्त क्षेत्र युद्धभूमिमा परिणत भएको छ।
शनिबार बिहान हमासले गरेको आक्रमणमा १० नेपालीको मृत्यु भएको थियो। ३ जना घाइते भएकोमा १ जना अझै बेपत्ता छन्।
परराष्ट्रमन्त्री एनपी साउदसहितको उद्धार टोली बिहीबार बिहान नेपालीहरूको उद्धारका लागि इजरायल प्रस्थान गरेको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
