काठमाठौं– गोकर्णेश्वर नगरपालिका–३ जगडोलमा गोली प्रहार गरी प्रहरी टोलीले तीन जना लुटेरा समूहलाई नियन्त्रणमा लिएको छ।
उनीहरुको साथबाट १ थान पेस्तोल र ७ राउण्ड गोली भेटिएको काठमाडौं उपत्यका प्रहरी कार्यालय रानीपाखेरीले जनाएको छ। काठमाडौं उपत्यका प्रहरी कार्यालयका प्रवक्ता तथा एसएसपी दिनेशराज मैनालीका अनुसार प्रहरीलाई नै आक्रमण गर्न लागेपछि गोली प्रहार गरिएको हो।
२ वटा मोटरसाइकलमा आएका लुटेरा समूहलाई पछ्याउँदै गरेको प्रहरी टोलीलाई देख्नासाथ उक्त लुटेरा समूहले प्रहरी टोलीलाई आक्रमण गर्न लाग्दा प्रहरी टोलीद्वारा जवाफी कारवाही गरिएको उनले बताए।
प्रहरीको गोली लागेर सिन्धुली कमलामाई नगरपालिका–२ घर भएका ३६ वर्षीय अमर घलान घाइते भएका छन्। उनको दाहिने घुँडामुनि १ र तिघ्रामा १ गरी २ गोली लागेको छ। उनलाई नेशनल मेडिकल कलेज, जोरपाटी अत्तरखेलमा लगी उपचार गराइएको छ।
उक्त समूहका सर्लाही घर भएका अन्दाजी ३६ वर्षीय शन्त लामा र सिन्धुपाल्चोक घर भएका अन्दाजी ३० वर्षका जितेन लामालाई २ वटा मोटरसाइकलसहित प्रहरीले नियन्त्रणमा लिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
