काठमाडौं- शनिबार बिहान प्यालेस्टिनी हमास समूहको आक्रमणपछि इजरायलमा बेपत्ता भएका कञ्चनपुरका विपीन जोशी अझै भेटिएका छैनन्। सम्पर्कविहीन भएपछि उनको खोजी कार्य जारी छ।
इजरायलस्थित नेपाली राजदूतावासले सकुशल अवस्थामा उद्धार गरिएका उनीसँगै बस्दै आएका एक विद्यार्थीलाई साथमा लिएर विभिन्न अस्पतालहरूमा खोजी गरिरहेको जनाएको छ।
दूतावासले बुधबार परराष्ट्र मन्त्रालयलाई अस्पतालहरुमा खोजी गर्दा विपीन घाइते अवस्थामा फेला नपरेका र खोजीका लागि इजरायली प्रहरीको सहयोग मागिएको जानकारी गराएको छ।
‘लर्न एन्ड अर्न’ कार्यक्रमअन्तर्गत गत भदौ अन्तिम साता विपीन इजरायल गएका थिए। उनीसँगै इजरायल गएका अन्य १० नेपाली विद्यार्थीको भने हमासको आक्रमणमा मृत्यु भएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
