काठमाडौं– विद्युतीय चुरोट (भेप)भित्र लुकाएर ल्याइएको सुन तस्करी प्रकरणमा थप अनुसन्धान गर्नु भन्दै जिल्ला सरकारी वकिलको कार्यालय, काठमाडौंले प्रहरीको केन्द्रीय अनुसन्धान ब्यूरो (सीआईबी)लाई अनुसन्धान प्रतिवेदन फिर्ता पठाएको छ।
सरकारी वकिल कार्यालयका अनुसार प्रतिवादीहरूको थप बयान गर्नुपर्ने देखिएकाले सीआईबीलाई फाइल फिर्ता पठाइएको हो। थप बयान लिएर अनुसन्धान पूरा गर्ने निर्देशनसहित फाइल असोज २२ गते नै सीआईबीलाई पठाएका एक अधिकृतले बताए।
सीआईबीले यस प्रकरणमा मुछिएका पूर्व सभामुख एवं सत्तारूढ दल नेकपा (माओवादी केन्द्र)का उपाध्यक्ष कृष्णबहादुर महरालाई अभियुक्त नबनाई अनुसन्धान समाप्त गर्दै अनुसन्धान प्रतिवेदन बुझाएको थियो।
कृष्णबहादुर महराका छोरा राहुलसहित चार जनालाई भने प्रतिवादी बनाउनुपर्ने राय सीआईबीले दिएको थियो। सीआईबीले असोज १९ गते अनुसन्धान प्रतिवेदन सरकारी वकीलको कार्यालयमा पेस गरेको थियो।
उक्त अनुसन्धान प्रतिवेदन अध्ययन गर्दा अपुरो देखिएकाले थप केही बुदाँमा स्पष्ट पार्नु भनी पठाइएको हो। ‘थप बयान गर्न आएको हो। आज आएको हो भोलि पुन: पेस गर्छौं’ सीआईबी स्रोतले जनाएको छ।
राहुल, दावा छिरिङ, लोकेन्द्र पौडेल र निमा गुरुङलाई संगठित अपराध र भन्सार छलीको कसुरमा मुद्दा चलाउनुपर्ने भन्दै सीआईबीले अनुसन्धान प्रतिवेदन तयार गरेको थियो।
यसअघि हङकङबाट आएको ६० किलो बढी सुन तस्करीमा नेपालस्थित व्यवस्थापक रहेका अभियोगमा दावा छिरिङ पुर्पक्षका लागि थुनामा छन्। लोकेन्द्र चिनियाँ तस्कर समूहको सहयोगीको भूमिकामा देखिएको सीआईबीको अनुसन्धान प्रतिवेदनमा उल्लेख छ।
निमा भने फरार छन्। यो प्रकरणमा दाओजिन लुईसहित ६ जना चिनियाँलाई पक्राउ गरेपछि प्रतिवादी बनाइने अनुसन्धान प्रतिवेदनमा उल्लेख छ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
