इजरायलबाट एक विद्यार्थीको प्रधानमन्त्रीलाई पत्र- हामीलाई देश फर्किन मन छ

समाचार

नेपाल लाइभ सोमबार, असोज २२, २०८० ११:३३

काठमाडौं– कृषि विज्ञान अध्ययनका लागि इजरायल पुगेका एक विद्यार्थीले प्रधानमन्त्री पुष्पकमल दाहाल प्रचण्डलाई खुला पत्र लेखेका छन्। बंगरभित्र बसिरहेका उनले आफ्नै देश फर्किन चाहेको भन्दै उद्धारका लागि पत्रमार्फत् अनुनय गरेका छन्।

अहिले कादेश, बर्निया इजरायलमा रहेका सुरज भण्डारी नामका विद्यार्थीले पत्र लेखेका हुन्। कृषि तथा वन विज्ञान विश्वविद्यालयमा अध्यनयनरत कास्कीका उनले आफूहरुलाई देश फर्किने वातावरण मिलाइदिन अनुरोध गरेका छन्।

उनले पत्रमा लेखेका छन्, ‘आकाशमा चरा उडेको देखेका हामीले फाइटर प्लेन र मिसाइल देख्नुपरेको छ। हामी मानसिक तनावमा पुगिसकेका छौँ। अब धेरै सोच्ने अवस्था बाँकी रहेन।’

उनले अहिले आफूहरु बंकरमा रहेको बताएका छन्। खाना र पानी खाँदा शौचालय जानुपर्ने भएकाले आफूहरु भोकैप्यासै त्यहाँ रहिरहेको पनि उनले उल्लेख गरेका छन्। त्रिभुवन विश्वविद्यालय, सुदूरपश्चिम विश्वविद्यालय र कृषि तथा वन विज्ञान विश्वविद्यालयका विद्यार्थी ११ महिनाका लागि इजरायल पठाइएका छन्। तीमध्ये १० जनाको मृत्यु भइसकेको छ। केही घाइते छन्।

प्यालेस्टिनी लडाकु समूह हमासले गरेको आक्रमणमा परेर १० जना नेपाली विद्यार्थीले ज्यान गुमाएका हुन्। सरकारले ज्यान गुमाएकाको शव ल्याउन प्रक्रिया सुरु गरिसकेको जनाएको छ। त्यहाँ रहेका नेपालीहरुको उद्धार, स्वदेश फिर्ती, राहत लगायतका विषयमा छलफल गरी निर्णयमा पुग्न भन्दै प्रधानमन्त्री प्रचण्डले सोमबार मन्त्रिपरिषद्‌को विशेष बैठक बोलाएका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

वैदेशिक रोजगारीको प्रलोभन देखाएर ठगेको अभियोगमा तीन जना पक्राउ

हलगोरु पाल्ने किसानलाई सम्मान

अमेरिकामा आप्रवासन नियन्त्रण गर्न ट्रम्पका विभिन्न कदम, शरण माग गर्ने एप खारेज