गौशाला घटना: हुसेनमाथि आक्रमण गर्ने एक जना पक्राउ, अर्का एक जनाको पनि पहिचान

सुरक्षा/अपराध

नेपाल लाइभ सोमबार, असोज १५, २०८० १९:५७

काठमाडौं– सोमबार दिउँसो गौशालामा पिके डायगोनिस्टिक प्रालिका सञ्चालक साबिर हुसेनमाथि आक्रमण गर्नेमध्ये एक जनालाई प्रहरीले पक्राउ गरेको छ।

पक्राउ पर्नेमा सिकिलदेव सहानी रहेका छन्। घटनापछि ट्याम्पो चढेर भागेका उनलाई सोमबार साँझ पक्राउ गरिएको काठमाडौं उपत्यका प्रहरी कार्यालयका एआईजी दीपक थापाले जानकारी दिए।

यस्तै उक्त घटनामा संलग्न अर्का एक जनाको पनि पहिचान भइसकेको थापाले बताएका छन्।

गौशाला घटना : घाइतेको पहिचान खुल्यो, घटनास्थलमा भेटियो पेस्तोल र चक्कु

एआईजी थापाका अनुसार उनीहरुबीच करिब एक लाख रकम लेनदेनको विवाद देखिएको छ। सोही लेनदेनका कारण नै हुसेनमाथि आक्रमण भएको प्रहरीले प्रारम्भिक अनुसन्धानमा देखिएको छ।

उसेनमाथि आक्रमण गरेर कटुवा पेस्तोल र चक्कु घटनास्थलमै छाडेर आक्रमणकारी भागेका थिए। घाइते हुसेनलाई उपचारका लागि सिनामंगलस्थित काठमाडौं मेडिकल कलेजमा भर्ना गरिएको छ।

गौशालाको शारदा माध्यमिक विद्यालय नजिकै हुसेनमाथि आक्रमण भएको थियो। बाराको कलैया नगरपालिका–२१ घर भइ हाल कोटेश्वर बस्दै आएका हुसेनको दाहिने तिघ्रा र ढाडमा चोट लागेको छ।

गौशालामा गोली चल्यो, एक जना घाइते

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

माइती नेपाललाई एक करोड रुपैयाँ दिने प्रधानमन्त्री ओलीको घोषणा

नेपाली र भारतीय सेनाको संयुक्त अभ्यास सूर्यकिरण सम्पन्न

जापानमा ६.८ म्याग्निच्युडको भूकम्पपछि सुनामीको चेतावनी