पर्वतको मादी खोलामा बगेको गाडीका टायर र केही टुक्रा साढे दुई किलोमिटर तल भेटिए, तीन जना यात्रु बेपत्ता

समाचार

नेपाल लाइभ शनिबार, असोज १३, २०८० २१:४७

सांकेतिक तस्बिर

काठमाडौं– शनिबार साँझ ६ :५० बजे पर्वतको कुश्मा नगरपालिका- ८ चुवास्थित मादी खोलामा आएको बाढीले बगाएको टाटा सुमो गाडीको २ वटा टायर र केही टुक्रा फेला परेको छ।

गाडीमा सवार बेपत्ता तीन जना व्यक्तिको अवस्था भने अज्ञात रहेको छ। बागलुङबाट पोखरातर्फ जाँदै गरेको ग १ ज ६२१३ नम्बरको टाटा सुमो गाडी बगाएको थियो।

गाडीचका चालक भने सकुशल रहेका छन्। गाडीसहित बेपत्ता तीन जनाको सनाखत हुन नसकेको प्रहरीले जनाएको छ।

राती ८:४५ बजे घटनास्थलदेखि अन्दाजी २.५ किलोमिटर टाढा मादी र समादी खोलाको संगमस्थलमा गाडीको अगाडिको २ वटा टायरसहित छरिएर रहेका केही भागहरु लेदो माटोले पुरिएको अवस्थामा फेला परेका छन्।

उक्त सामग्री बाहिर निकालिएको सशस्त्र प्रहरी बलका सह– प्रवक्ता डीएसपी शैलेन्द्र थापाले जानकारी दिए। बेपत्ता व्यक्तिहरुको खोज तथा उद्धार कार्यको लागि सशस्त्र प्रहरी बल नेपाल नं. २५ चण्डिका गण पर्वतबाट डीएसपीको कमाण्डमा ४६ जनाको फौज परिचालन गरिएको डिएसपी थापाले जानकारी दिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

वामदेव एमाले प्रवेश गर्ने पक्का, सचिवालयले गर्‍यो सहकार्य गर्ने निर्णय

स्वदेशी वस्तु प्रयोगमा जुट्दै सरकार

दुई अर्ब ४५ करोडमा चार सय किलोमिटर पदमार्ग बनाउँदैछौँ : मुख्यमन्त्री कार्की