पेस्तोल र गोलीसहित मोटरसाइकलमा नेपाल छिरेका भारतीय नागरिक पक्राउ

सुरक्षा/अपराध

नेपाल लाइभ शुक्रबार, असोज १२, २०८० ११:२८

काठमाडौं– पेस्तोल र गोलीसहित नेपाल छिरेका १ जना भारतीय नागरिक पक्राउ परेका छन्। जिल्ला प्रहरी कार्यालय महोत्तरीको टोलीले भारतीय नागरिकलाई पेस्तोलसहित पक्राउ गरेको हो।

पक्राउ पर्नेमा भारतको सितामढी जयनगर ग्रामपञ्चायत–११ का २४ वर्षीय बलबिन्द महतो छन्।

बुधबार साँझ ७ बजेतिर भारतबाट महोत्तरीको सोनमा गाउँपालिका–५ खयरवानी आएका २ भारतीय मोटरसाइकलमा प्रहरीले जाँच गरेको थियो।

एकसाथ आएका बीआर ५५ ए २७२५ र बीआर ३० के ३४५९ नम्बरको मोटरसाइकललाई जाँच गर्दा बलबिन्दले चलाएको बीआर ३० के ३४५९ मोटरसाइकलबाट पेस्तोल बरामद भएको महोत्तरी प्रहरीले जनाएको छ।

बलबिन्दबाट इन्डियन कटुवा पेस्तोल, त्यसमा लाग्ने १ राउण्ड गोली, किला उखाल्ने रड २ थान र १ थान पेचकस समेत बरामद भएको प्रहरीले जनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सहकारी ठगी प्रकरण: रविलाई अदालतमा उपस्थित गराइयो

घुम्नैपर्ने एक सय गन्तव्यमध्येको मुन्दुम पदमार्ग प्रवर्द्धन गर्न महोत्सव

सिंहदरबारमा विपक्षी दलहरूको बैठक जारी