अमेरिका बसेर नेपालबाट मानव तस्करी गरेको आरोपमा पक्राउ परेका गौतमविरुद्ध चार वटा मुद्दा दर्ता

सुरक्षा/अपराध

नेपाल लाइभ बिहीबार, असोज ४, २०८० १८:१३

काठमाडौं- जिल्ला सरकारी वकिलको कार्यालय काठमाडौंले अमेरिकामा बसेर नेपालबाट तस्करी गरेको आरोपमा पक्राउ परेका मृदुल भन्ने हस्त गौतमविरूद्ध चारवाट मुद्दा दर्ता गरेको छ। मानव बेचबिखन गरेको आरोपमा पक्राउ गौतमविरूद्ध बिहीबार जिल्ला अदालत काठमाडौंमा मुद्दा दर्ता गरिएको हो।

सरकारी वकिलको कार्यालय काठमाडौंले बिहीबार काठमाडौं जिल्ला अदालतमा गौतमसहितका प्रतिवादीविरूद्ध मुद्दा दर्ता गरेको जिल्ला सरकारी वकिल कार्यालयका प्रमुख अच्युतमणि नेउपानेले बताए।

उनीविरूद्ध मानव बेचबिखन ओसारपसार, संगठित अपराध, ठगी र संगठित अपराधमा मुद्दा दायर भएको छ। तीनवटा फाइल खडा गरेर गौतममाथि अनुसन्धान गरिएको थियो। सरकारी वकिलको कार्यालयले उनीसहित १४ जनालाई विपक्षी बनाएको छ।

पहिलो अभियोगमा ६ जना, दोस्रोमा ४ जना, तेस्रोमा ५ जना र चौथोमा ३ जनालाई प्रतिवादी बनाएर मुद्दा दायर गरिएको हो।

गौतमलाई तीन वटा अभियोगमा मुख्य प्रतिवादी भएको दाबी गरिएको छ भने अन्यलाई सहयोगीको रुपमा मुद्दा दायर गरिएको छ। मुद्दा दायर गरिएकामध्ये केही पक्राउ परेका छन् भने केहीलाई फरार सूचीमा राखेर अभियोगपत्र दायर गरिएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सम्पदालाई न्यायोचित रुपमा प्रयोग गर्नुपर्छ : उपप्रधानमन्त्री सिंह

आचरसंहिता उल्लङ्घन गर्ने अनलाइन कालोसूचीमा

फ्रान्सले युक्रेन बिना नै युद्धबारे छलफलका गर्न चाहेको रूसी दावी