नाडा अटो शोमा टाटाका गाडीतर्फ आकर्षण, ५०० भन्दा धेरै टियागो इभीको बुकिङ

अटो

नेपाल लाइभ सोमबार, असोज १, २०८० १४:०३

काठमाडौं– भदौ २६ गतेदेखि ३१ गतेसम्म काठमाडौंमा चलेको नाडा अटो शोमा २ हजार बढी गाडीको अग्रिम बुकिङ भएको छ। अग्रिम बुकिङ हुनेमध्ये पनि टाटा मोटर्सका गाडीहरुतर्फ उपभोक्ताको आकर्षण देखिएको छ।

१५औं संस्करणको नाडा अटो शोमा टाटा मोटर्सका लागि नेपालको आधिकारिक वितरक सिप्रदी ट्रेडिङ प्रालिले टाटा टियागो इभी, टाटा नेक्सन इभी एक्स जेड प्लस र टाटा पन्च सार्वजनिक गरेको थियो। टाटाका ३ वटै गाडीमा उपभोक्ताको आकर्षण देखिएको हो।

२१ लाख ९९ हजार रुपैयाँ सुरुवाती मूल्यसहित सार्वजनिक गरिएको टियागो इभीको ५०० भन्दा धेरै बुकिङ्ग भएको कम्पनीले जनाएको छ। साथै नाडा अटो शोमा नै लन्च गरिएको टाटा नेक्सन इभी एक्स जेड प्लस र टाटा पन्चको बुकिङ्ग पनि उल्लेखनीय रहेको कम्पनीले जनाएको छ।

Image (2)1695025096.jpg

सिप्रदीका प्यासेन्जर भेहिकल बिजनेस युनिटका प्रमुख सावन्त जंग सिजापति भन्छन्, ‘नाडा अटो शोमा जुन प्रकारको उत्साह सर्वसाधारण अटो पारखीले टाटा मोटर्सका गाडीहरुमा देखाउनुभयो, त्यसले हामीमा थप उर्जा थपि दिनुभएको छ। साथै जुन हिसाबले टाटा मोटर्सका गाडीहरुप्रति चासो मात्र नभएर बुकिङ्ग पनि गरिदिनु भएको छ, त्यसले हामीले नेपाली जनताको चाहअनुसारको गाडीहरु ल्याउन सफल भएको महसुस गरेका छौं। र भविष्यमा पनि बजारको माग अनुसारको गाडीहरु नेपालमा भित्रयाउने दृढ़ संकल्प लिएका छौं।’

टाटाका गाडीहरु उत्कृष्ट बिशेषतायुक्त रहेका कम्पनीको दाबी छ। अत्याधुनिक जिपट्रन प्रविधियुक्त टियागो इभीमा पाँचवटा मुख्य बिशेषताहरु रहेका छन्। जसमा कार्य कुशलता, प्रविधि, विश्वास, चार्जिङ्ग र आरामदायिता रहेको कम्पनीले जनाएको छ। क्रुज कन्ट्रोल सहितको टियागो इभीमा अत्याधुनिक टेलिम्याटिक्स, कन्ट्रयास्ट रुफ, पूर्ण स्वचालित क्लाइमेट कन्ट्रोल, प्रोजेक्टर अटो हेडल्याम्प लगायत बिशेषताहरु रहेका छन्।

यस्तै, अर्को गाडी नेक्सन इभी एक्स जेट प्लसको ब्याट्री क्षमता ४०.५ किलोवाट र रेञ्ज ४५३ किलोमिटर रहेको छ। टियागो इभी जस्तै नेक्सन इभी एक्स जेट प्लसमा पनि अत्याधुनिक जिपट्रन प्रविधि छ। आरामको लागि पावर विन्डो र पूर्ण स्वचालित क्लाइमेट कन्ट्रोल लगायत अन्य विशेषताहरु भएको नेक्सन इभी एक्स जेट प्लसले अन्यभन्दा उत्कृष्ट सुरक्षाको प्रत्याभूति गर्ने कम्पनीको दाबी छ। कम्पनीका अनुसार सुरक्षाका लागि यसमा एन्टी–लक ब्रेकिङ्ग सिस्टम, चाइल्ड सेफ्टी लक, ट्रयाक्सन जस्ता व्यवस्थाहरु छन्।

त्यसैगरी, टाटाको ‘न्यु फरेभ’ रेञ्जअन्तर्गतको टाटा पन्चको ४ आधारस्तम्भहरु आकर्षक डिजाइन, विशेष कार्यक्षमता, फराकिलो इन्टेरिएर र पूर्ण सुरक्षा रहेका कम्पनीको दाबी छ। नँया युग सुहाँउदो सोच र प्रविधिमा आधारित यो गाडीले ग्राहकहरुको बदलिदो इच्छा एवं आकांक्षाहरुको परिपूर्ति गर्ने कम्पनीको दाबी छ। टाटा पन्च हाल भारतीय बजारमा सबैभन्दा बढी विक्री भइरहेको सब कम्प्याक्ट एसयुभी रुपमा पनि परिचित छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

एक किलो एकसय ग्राम सुनसहित एकजना पक्राउ

एनपीएल पहिलो खेलः विराटनगर किङ्स कहाँ चुक्यो?

मलेसियामा बाढीका कारण एक लाख भन्दा बढी मानिस विस्थापित