काठमाडौं- शुकुबार राति दाङबाट आउँदै गरेको बस बाँकेको शमशेरगन्जमा रोकिराखेको ट्रकमा ठोक्किँदा भएको दुर्घटनामा सात जनाको मृत्यु भएको छ। मृतकमध्ये ६ जना बर्दियास्थित ठाकुरबाबा नगरपालिकाका रहेको खुलेको छ।
जिल्ला ट्राफिक प्रहरी कार्यालय बाँकेका अनुसार ठाकुरबाबा नगरपालिका ९ मा रहेको सामुदायिक वनबाट भ्रमण गएको टोली दुर्घटनामा परेको हो।
दुर्घटनामा कस्तुरी थापा (५५), काँशीराम थारू (५०), रूपा परियार (५०), जयन्ति थारू (३५) र साधुराम चौधरी (६५) को मृत्यु भएको छ। यी सबै ठाकुरबाबा नगरपालिका वडा ९ का बासिन्दा हुन्।
यसैगरी उक्त दुर्घटनामा ठाकुरबाबा ८ का ४५ वर्षीय जुगबहादुर चन्दको पनि मृत्यु भएको छ।
मृतक ३५ वर्षीय चालकको भने परिचय खुलेको छैन।
जिल्ला ट्राफिक प्रहरी कार्यालय बाँकेका प्रमुख गोपिकृष्ण सुवेदीले बसमा जम्मा ४१ जना रहेकाेमा घाइतेमध्ये २९ जनाकाे मेडिकल कलेज कोहलपुरमा उपचार भइरहेकाे जानकारी दिए।
बाँकी ५ जना भने सकुशल रहेका छन्।
शुक्रबार राति दाङबाट आउँदै गरेको ना ७ ख २३२१ नम्बरको बस शमशेरगन्जमा रोकिराखेको ना ८ ख ६४०५ नम्बरको ट्रकमा ठोक्किँदा उक्त दुर्घटना भएकाे थियाे।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
