नेपालमा राँगा र भैँसीको संख्या घट्दो क्रममा

कृषि

नेपाल लाइभ बिहीबार, भदौ २१, २०८० १३:५७

काठमाडौं– नेपालमा राँगा र भैँसीको संख्या घट्दै गएको देखिएको छ। पशुपालनमा आबद्धमध्ये भैँसी र राँगा पाल्ने किसानको संख्या पनि घट्दै गएको देखिएको छ।

केन्द्रीय तथ्यांक कार्यालयले बिहीबार सार्वजनिक गरेको राष्ट्रिय कृषि गणना २०७८ को तथ्याङ्कअनुसार नेपालमा राँगा र भैँसीको कुल संख्या २९ लाख २३ हजार छ। यसअघि २०६८ को कृषि गणनामा राँगा र भैँसीको संख्या ३१ लाख ७४ हजार थियो। केन्द्रीय तथ्यांक कार्यालयका अनुसार १० वर्षमा राँगा र भैँसीको संख्या २ लाख ५१ हजारले घटेको हो।

विवरणअनुसार राँगा र भैँसी पाल्ने किसानको संख्यामा पनि ठूलो गिरावट आएको छ। २०६८ सालमा राँगा र भैँसी पाल्ने किसान परिवारको संख्या १६ लाख ६९ हजा रहेको थियो। २०७८ को नयाँ गणनामा यस्तो परिवार संख्या १४ लाख १७ हजारमा सीमित भएको छ। १० वर्षको अवधिमा २ लाख ५२ हजार परिवारले राँगा र भैँसी पाल्न छाडेका देखिएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

अमेरिकी डलरको भाउ स्थिर, अन्य मुद्राको वृद्धि

सन्दर्भ भट्टराईको जन्मजयन्ती : बाह्रौं महाधिवेशनमा कृष्णप्रसाद भट्टराईले कांग्रेसलाई ‘निरर्थक र नक्कली’ पार्टी भनेपछि

तीन उपकुलपति नियुक्त