काठमाडौं– फिल्म ‘ऐना झ्यालको पुतली’का निर्माता आकाश पौडेलले चलचित्र विकास बोर्डबाट फिल्मले पाएको अवार्डको फोटो फेसबुकमा राख्दै लेखे, ‘बेस्ट फिल्म हुनपर्ने झुक्केर जुरी अवार्ड दिएछन्। किन भन्दा त नेसनल फिल्म अवार्डमा बेस्ट फिल्म भन्ने क्याटागोरी नै पो छैन भन्छन् त...!’
गत मंगलबार राष्ट्रपति भवन शितल निवासमा चलचित्र विकास बोर्डले चलचित्र पुरस्कार प्रदान गरेको थियो।
पुरस्कारमा यसपालि उत्कृष्ट फिल्मको विधा नै समावेश थिएन। जबकी अघिल्ला वर्ष बनेका नेपाली मौलिक फिल्महरूले समीक्षकको मात्र हैन, अन्तर्राष्ट्रिय अवार्डसमेत जितेका थिए। सुजित बिँडारीद्वारा निर्देशित फिल्म ‘ऐना झ्यालको पुतली’ले निकै तारिफ बटुलेको थियो।
राम्रा मौलिक फिल्महरू हुँदाहुँदै पनि किन उत्कृष्ट चलचित्रको विधा हटाइयो? धेरैको यही प्रश्न छ।
फिल्म समीक्षक यज्ञशले फेसबुक स्टाटसमार्फत् लेखेका छन्, ‘यसपालि ‘ऐना झ्यालको पुतली’, ‘राधा’, ‘प्रकाश’, ‘दोख’, ‘चिसो मान्छे’, ‘पानीफोटो’ जस्ता समाजका विभिन्न आयाम समातेर कथा भनेका फिल्महरुको ताँती थियो। यसै वर्ष उत्कृष्ट फिल्मको विधा खाली राखिनु विडम्वना देखियो।’
उत्कृष्ट फिल्मको पुरस्कार नदिइ अन्य विधामा मात्रै दिइएको उनको आपत्ति थियो।
‘कुनै विधामा पुरस्कार खाली नै गर्न नहुने भन्ने होइन। जुरीलाई कुनै पनि फिल्म वा कलाकारको काम पुरस्कार योग्य लागेन भने खाली राख्न सकिन्छ। तर, त्यसरी खाली राख्दा त्यस्तो गर्नुपर्नाको कारण जुरीले स्पष्ट खुलाउनुपर्छ। के कारण यसमा पुरस्कृत गरिएन, जुरीमा के छलफल र मतभेद भए? मतदानमा कुन पक्षमा कति मत पर्योु? र, पुरस्कार नदिनु किन श्रेयस्कर ठानियो भन्ने प्रष्ट लेख्नुपर्छ,’उनले लेखेका छन्।
फिल्म समिक्षक सामिप्य तिमल्सिना पनि कहीँ नभएको अभ्यास यसपालि अवार्ड वितरणमा देखिएको बताउँछन्। ‘यो वर्ष यति उत्कृष्ट फिल्महरू आए। तर नेपालमा बनेका राम्रा र मौलिक फिल्महरूको घाँटी निमोठ्ने काम भयो। उत्कृष्ट फिल्मको विधा हटाउनु विकास बोर्डको अकर्मन्ड्यताको पराकाष्ठ हो,’ उनी भन्छन।
उसो त बोर्डले प्रदान गरेका अन्य अवार्डहरू पनि भागबन्डाकै लागि दिएको देखिन्छ। अर्कोचाहिँ जुरीमा प्राविधिक पक्षबाट पनि कोही थिएनन्।
उत्कृष्ट फिल्मको विधा किन हटाइयो?
बोर्डसँग उत्कृष्ट फिल्मको विधा समावेश नगरिएकोबारे नेपाललाइभले जुरी सदस्यहरूसँग सम्पर्क गर्ने प्रयास गर्यो। जुरी समितिका संयोजक राजेन्द्र सलभलाई सम्पर्क गर्दा उनी यसबारे बोल्न चाहेनन्। यस विषयमा कुरै नसोध्नुस् भन्दै उनी पन्छिए। पुरस्कार वितरण समारोहमा उनी सहभागी पनि थिएनन्।
विकास बोर्डसँग पनि यसबारे कुरा गर्ने प्रयास जमर्को भयो। बोर्डका प्रवक्ता खेतुलाल बिसीले पनि यसबारे प्रश्न गर्दा जरुरी मिटिङमा छु भन्दै बोल्नबाट पन्छिए। पछि पटक पटक फोन सम्पर्क गर्दा उठाएनन्।
नाम नखुलाउने सर्तमा एक सदस्यले ‘प्रकाश’लाई उत्कृष्ट फिल्मको विधामा सिफारिस गरिएको बताए। तर राजनीतिक हस्तक्षेपका कारण सञ्चार मन्त्रालयमा पुगेपछि उत्कृष्ट फिल्मको विधाबाट हटाइएको रहस्य उनले सुनाए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1747281264.jpg)
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
