काठमाडौं– सन्नी देओल अभिनित ‘गदर २’ र शाहरुख खानको ‘पठान’ बक्स अफिसमा सफल भए। बलिउड अभिनेत्री हेमा मालिनीले यी दुई फिल्मको उदाहरण दिँदै दर्शकहरू ठूलो पर्दामा फिल्म हेर्न चाहने बताएकी छन्।
हेमा मालिनी निर्माता र निर्देशक पनि हुन्। उनले भारतीस सञ्चारमाध्यमसँग भनिन्, 'दर्शकहरू ठूलो पर्दामा फिल्म हेर्न चाहन्छन्। ओटीटी प्लेटफर्महरू 'टाइम पास' को रूपमा मात्र रुचाइने हो।’
हेमा मालिनीले भनिन्, ‘ठूलो पर्दाका फिल्महरू हामीले बानी बसालेका फिल्मभन्दा धेरै फरक हुन्छन्। म त्यस प्रकारका चलचित्रहरू ठूलो पर्दामा हेर्न बानी परेको छु।’
ओटीटी प्लेटफर्म कति अद्वितीय छन् त्यसबारे आफूलाई थाहा नभएको बताइन्। दर्शकहरू ठूलो पर्दामै चलचित्र हेर्न रुचाउने बताइन्।
मथुराबाट दुई पटक सांसद रहेकी हेमा मालिनी लामो समयदेखि फिल्मबाट टाढा छिन्। उनी राम्रो भूमिका पाए फिल्म गर्ने पनि बताउँछिन्।
‘मैले केही राम्रा भूमिका पाएँ भने पक्कै गर्छु। म चाहन्छु कि निर्माताहरु अगाडि आएर मलाई फिल्ममा साइन गराउन्। म तयार छु,’ उनी भन्छिन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1763721444.png)
-1763559424.jpg)
-1763559424.jpg)
