काठमाडौं- अमेरिकाका पूर्वराष्ट्रपति डोनाल्ड ट्रम्पले बिहीबार आत्मसमर्पण गरेका छन्। जर्जियाको फुल्टन काउन्टी जेलमा उनले आत्मसमर्पण गरेका हुन्। अन्तर्राष्ट्रिय सञ्चार माध्यमका अनुसार उनीविरुद्ध सन् २०२० को चुनावी हारलाई उल्ट्याउने प्रयास गरेको आरोपमा मुद्दा रहेको थियो।
उनलाई २ लाख डलर जरिवाना तय गरिएको छ। ट्रम्पले ठगी र झुटा बयानसहित १३ आरोप अस्वीकार गरेको र आफूमाथि लागेका सम्पूर्ण आरोपहरू राजनीतिक रूपमा प्रेरित भएको दाबी गरेका छन्।
बुधबार उनका पूर्व कानुन व्यवसायी रुडी जिउलियानी र अन्य सह-प्रतिवादीहरूले सोही मुद्दामा आत्मसमर्पण गरेका थिए। ट्रम्पको यो चौथो आपराधिक मुद्दा हो। उनले लामो समयपछि सामाजिक सञ्जाल ट्विटरमा आफ्नो तस्बिर सेयर गरेका छन्।
उनले ८ जनवरी २०२१ मा ट्विट गरेका थिए। त्यसपछि उनी ट्विटरबाट अलग भएका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
