काठमाडाैं–सरकारले एसियाली खेलकुदमा रजत पदक विजेता प्याराग्लाइडिङका खेलाडीलाई ५ लाख नगदसहित सम्मान गरेको छ।
सरकारले इन्डोनेसियाको जाकार्तामा आयोजित एसियाली खेलकुद अन्तर्गत प्याराग्लाइडिङमा रजत पदक विजेता नेपाली टोलीका कप्तान बिमल अधिकारी, युकेश गुरुङ, सुशील गुरुङ, विजय गौतम र विशाल थापालाई जनही ५ लाख नगदसहित सम्मान गरेकाे हो।
त्यसक्रममा रजत पदक विजेता खेडालीहरूलाई राष्ट्रिय खेलकुद परिषद्को आह्वानमा सोमबार काठमाडौंमा नगर परिक्रमा समेत गरिएको थियो।
त्यसपछि राष्ट्रिय सभा गृहमा आयोजित कार्यक्रममा युवा तथा खेलकुद मन्त्री जगत विश्वकर्माले रजत पदक विजेता खेलाडीलाई ५ लाख नगदसहित सम्मान गरे।
कार्यक्रममा बोल्दै उनले नेपाली खेलाडीलाई उचित वातावरण बनाउन सक्दो पहल गर्ने प्रतिवद्धता व्यक्त गरे।
उनले नेपालको खेलकुद क्षेत्रको विकासमा आवश्यक पहल कदमी लिन सबैलाई आह्वान गरे।
सो अवसरमा मन्त्री विश्वकर्माले प्याराग्लाइडिङ खेलको विकासका लागि राज्यले लगानी बढाउने घोषणा समेत गरे।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।