टंक बुढाथोकीको ‘धन्यवाद’ एकैपटक सात भाषामा

संगीत

नेपाल लाइभ आइतबार, साउन २८, २०८० ११:२२

काठमाडौं– गायक टंक बुढाथोकीले एउटै गीतलाई सात नेपाली भाषामा सार्वजनिक गरेका छन्।

उनले ‘धन्यवाद’ बोलको गीतलाई नेपालीसँगै, नेवारी, तामाङ, थारु, राजवंशी, खस र भोजपुरी गरेर सातवटा भाषामा सार्वजनिक गरेका हुन्।
शनिबार काठमाडौंको क्युज सिनेमा हलमा एक कार्यक्रमकाबीच गीतको भिडियो सार्वजनिक गरिएको हो। सातवटै भिडियो टंकको अफिसियल युट्युबमा सार्वजनिक छन्।

यो गीतमा शब्द र संगीत पनि टंककै छ। उनलाई स्वरमा गायिका अन्नु चौधरीले साथ दिएकी छन्।

टंक र अन्नुको यो पहिलो सहकार्य हो। गीतको भिडियोमा राहुल शाह र समिस्रिका परियारको नृत्य एवम् अभिनय छ। थारु भाषाको गीतको भिडियोमा भने गायक–गायिका टंक र अन्नु स्वयम्ले अभिनय गरेका छन्।

गीतको ६ वटा भिडियोको निर्देशक मोडल राहुल शाह नै हुन् भने छायांकन र सम्पादनको काम पवन सुस्लिङले गरेका छन्। थारु भाषाको गीतको भिडियोमा भने नवराज उप्रेतीको छायांकन र अमृत चापागाईंको सम्पादन रहेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

महिला टी–२० सिरिजः आज थाइल्याण्ड र नेदरल्याण्डस भिड्दै

प्रतिनिधिसभा बैठक बस्दै, यस्तो छ कार्यसूची

आजको मौसमः तराईमा हुस्सु र कुहिरो, पहाडका केहि भागमा सामान्य बदली