काठमाडौं- कांग्रेस सांसद सुनिल शर्मा पक्राउ परेका छन्।
विराटनगरस्थित नोबल मेडिकल कलेज र काठमाडौंको काठमाडौं मेडिकल कलेजका सञ्चालक समेत रहेका शर्मालाई बिहीबार प्रहरीले उनकै निवास गोल्फुटारबाट पक्राउ गरेको हो। शर्मालाई प्रहरीको केन्द्रीय अनुसन्धान ब्यूरोले पक्राउ गरेको हो।
सांसद शर्माले केही दिनयता संसद् र संसद्बाहिर समेत झन्डै एक क्विन्टल सुन तस्करी प्रकरणमा गृहमन्त्री नारायणकाजी श्रेष्ठ र अर्थमन्त्री डा प्रकाशरण महतमाथि नै अनुसन्धान गर्नुपर्ने भन्दै आएका थिए।
प्रहरीले भने सांसद शर्मा पक्राउ परेकोबारे केही बताएको छैन।
नेपालको संविधानमा कुनै सांसदलाई पक्राउ गरिएपछि त्यसको जानकारी तत्काल सम्बन्धित सदनको अध्यक्षता गर्ने व्यक्तिलाई दिनुपर्ने व्यवस्था गरेको छ। तर सभामुख देवराज घिमिरेको सचिवालयले भने सांसद शर्मा पक्राउबारे सभामुखलाई जानकारी नभएको बताएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
