सुरक्षा/अपराध

१२ वर्षीया बालिकाले गृहमन्त्रीलाई सुनाएकी थिइन् सुजाताको मिटरब्याज आतंक, अन्तत: परिन् पक्राउ

नेपाल लाइभ बिहीबार, साउन २५, २०८० १२:२३

काठमाडौं– सिरहाकी एक मिटरब्याजी महिलालाई प्रहरीले पक्राउ गरेको छ। सिरहाको मिर्चैया नगरपालिका–६ कि ३५ वर्षीया सुजाता साहलाई प्रहरीले पक्राउ गरेको हो।

ममता देवी रायले प्रहरीमा दर्ता गराएको अनुचित लेनदेनसम्बन्धी जाहेरीका आधारमा उनलाई पक्राउ गरिएको सिरहाका एसपी टेकुनन्द इवा लिम्बूले बताए।

मिटरब्याजपीडितहरुले काठमाडौंमा आन्दोलन गर्ने क्रममा १२ वर्षीया गरिमा रायले सुजाताको मिटरब्याजी आतंकबारे गृहमन्त्री नारायणकाजी श्रेष्ठलाई जानकारी गराएकी थिइन्। सुजातामा कारण आफूले पढ्न समेत नपाएको, घर निकाला हुनुपरेको भन्दै उनले गृहमन्त्रीसमक्ष दुखेसो पोखेकी थिइन्।

यो पनि पढ्नुहोस

नारायणकाजीसँग सवाल गरेकी गरिमा, जसले मिटरब्याजीको धम्कीले स्कुल छाडेकी थिइन्

उनै सुजातालाई अहिले प्रहरीले पक्राउ गरेको हो। २ लाख ऋणको ३० लाख बढी लिएर पनि घरजग्गा हडपेको भन्दै उनीविरुद्ध उजुरी परेको थियो।
पक्राउ परेकी साहविरुद्ध प्रहरी र जिल्ला प्रशासनमा गरी १० वटा भन्दा बढी उजुरी दर्ता भएका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

प्रधानमन्त्री ओली अस्वस्थ, सांसदसँगको प्रश्नोत्तर कार्यक्रम कार्यसूचीबाट हटाइयो

भोजपुरको कैलाश पर्वत र हरित पहाडलाई सरंक्षण गरिँदै

रवि लामिछानेको बन्दी प्रत्यक्षीकरणको रिट न्यायाधीश सुवेदी र ढकालको इजलासमा