प्रतिकात्मक तस्बिर
काठमाडौं– गुप्तचरी निकाय राष्ट्रिय अनुसन्धान विभागका अनुसन्धान अधिकृत सर्लाहीमा मृत भेटिएका छन्। प्रहरीले दुर्घटनाका कारण उनको मृत्यु भएको हुनसक्ने प्रारम्भिक अनुमान गरेको छ।
राष्ट्रिय अनुसन्धान विभागका सर्लाही जिल्ला कार्यालयमा अनुसन्धान अधिकृतको रुपमा कार्यरत २९ वर्षीय बसन्त शाह मृत फेला परेका हुन्। सर्लाहीको ईश्वरपुर नगरपालिका–९ खोरिया टोल नजिक बुधबार बिहान शाह मृत फेला परेका जिल्ला प्रहरी कार्यालय सर्लाहीका प्रहरी नायव उपरीक्षक (डीएसपी) जितेन पञ्जियार थारूले जानकारी दिए।
डीएसपी थारुका अनुसार शाह मंगलबार राति ड्यूटी सकेर घर फर्किएका थिए। घर फर्किने क्रममा मोटरसाइकल दुर्घटनामा परेर उनको मृत्यु भएको प्रारम्भिक अनुसमान गरिएको डीएसपी थारुले जानकारी दिए।
प्रहरीका अनुसारा शाह सवार बागमती प्रदेश-०२-०१६ प ००७१ नम्बरको मोटरसाइकल उनको शव भेटिएको स्थानमा दुर्घटनाग्रस्त अवस्थामा फेला परेको छ। घटनाबारे थप अनुसन्धान भइरहेको प्रहरीले जानकारी दिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1779193203.png)
-1764146706.png)
