होन्डाले सार्वजनिक गर्‍यो सिटी ई–एचईभी

कर्पोरेट

नेपाल लाइभ मंगलबार, साउन ९, २०८० २०:५८

काठमाडौं– होन्डाले हालै बजारमा सिटी ई–एचईभी सार्वजनिक गरेको छ। वर्षौंदेखि उपभोक्ताहरुको माझ लोकप्रिय होन्डा सिटी यसपाली नयाँ हाइब्रिड भेरिएन्टमा आएको छ।

अत्याधुनिक प्रविधियुक्त सिटी ई–एचईभीले नेपालको अटोमोटिभ क्षेत्रमा महत्त्वपूर्ण फड्को मार्ने संकेत गरेको छ। द्रुत यक्सिल्रेसन, उत्कृष्ट फ्युल इकोनोमीका साथ नेपालमा दिगो र पर्यावरणमैत्री सवारीका लागि नयाँ मापदण्डहरू सेट गरेको छ।

सिटी ई–एचईभीको विशिष्ट विशेषतामध्ये एक एडभान्स्ड सेनसिङ्ग स्वीट रहेको छ। यो सवारीचालक तथा पैदलयात्री दुवैलाई मध्यनजर गरी डिजाइन गरिएको अत्याधुनिक सेफ्टी टेक्नोलोजी हो। यस प्रविधि अन्तर्गत गाडीमा जोडिएको वाइड–एंगल फ्रन्ट क्यामेराले दूरीमा रहेका सम्भावित खतराहरूबारे चालकहरूलाई सचेत गराउँदै दुर्घटनाहरूको जोखिमलाई कम गर्न मद्दत गर्ने कम्पनीले बताएको छ।

प्याकेजमा भएको लेन–किपिङ असिस्ट र अटोनोमस इमर्जेन्सी ब्रेकिङले गाडीमा सवार तथा पैदल यात्री दुवैको सुरक्षा सुनिश्चित गर्दछ। नवप्रवर्तन र प्राविधिक उत्कृष्टताप्रति सदा प्रतिबद्ध होन्डाले सिटी ई–एचईभीमा एडभान्स्ड ड्राइभर असिस्टेन्स सिस्टमका साथै अड्याप्टिभ क्रुज कन्ट्रोल सुविधा समावेश गरी अन्य प्रमुख निर्माताहरूले सेट गरेको प्रवृतिलाई पछ्याएको छ।

यी फिचरहरुले समग्र ड्राइभिङ अनुभवलाई आरामदायी बनाउनुका साथै थप सुरक्षित बनाउँछ। सिटी ई–एचईभीको बारेमा थप जानकारी तथा टेस्ट ड्राइभका लागि आफ्नो नजिकको होन्डा कार शोरूममा सम्पर्क गर्न कम्पनीले अनुरोध गरेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

तीन उपकुलपति नियुक्त

दुई खर्ब भन्दा बढीले बढ्यो वैदेशिक सहायता

सम्पति शुद्धीकरण निवारणमा नेपालको अवस्था सुधार्न उच्चस्तरीय बैठक