काठमाडौं- मौद्रिक नीतिप्रति सेयर लगानीकर्ताहरुले खासै विश्वास नभएको जनाउ दिएका छन्। जसको संकेत सेयर बजारका पछिल्ला २ दिनको कारोबार हेरे पुग्छ।
आइतबार मौद्रिक नीति सार्वजनिक हुँदै गर्दा सुधारको संकेत बुझेका लगानीकर्ताहरु सोमबार विश्वस्त हुन सकेनन्। जसको निरन्तरता मंगलबार पनि भएको छ।
मंगलबारको सेयर कारोबार सकिँदै गर्दा नेप्सेमा ३६.१९ अङ्कको नकारात्मक बदलाव आएको छ। यसले परिसूचक २१६४ मा कायम भएको छ। पछिल्लो दिनको तुलनामा कारोबार रकम पनि घटेको छ।
मंगलबार ३२ कम्पनीको मूल्य बढ्दा १७६ कम्पनीको मूल्यमा भने गिरावट आएको छ। कारोबार रकम भने २ अर्ब ९१ करोड माथिको कारोबार भएको छ।
होटल तथा पर्यटन उपसमूह बाहेक सबै उपसमूहहरु राताम्मे भएका छन्। सबैभन्दा धेरै घट्नेमा जीवन बीमा उपसमूह रहेको छ। यो १७६ अङ्कले घटेको छ। त्यस्तै, निर्जीवन बीमा १११, विकास बैंक ८६, बैंकिङ्क ३७ अङ्कले घटेको छ।
कम्पनीगत रुपमा किसान लघुवित्तको १० प्रतिशत मूल्य बढेको छ। सीटी होटलको ७.७४ प्रतिशत, रीभर फल्स पावरको ६.३१ प्रतिशत मूल्य बढेको छ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।