काठमाडौं- चिकित्सा शिक्षा आयोगले चिकित्सा शिक्षाको एमबीबीएस लगायतका स्नातक तहको शैक्षिक कार्यक्रमका लागि नियमअनुसार विद्यार्थीको म्याचिङका आधारमा कलेजहरुमा भर्नाको काम सकिसकेको छ।
आयोगले अन्तिम म्याचिङको नतिजाअनुसार असार २० गते नै भर्नासम्बन्धी काम सकिसकेको छ। तर म्याचिङको नतिजाअनुसार छनोट भएका विद्यार्थी भर्ना भइसकेपछि पनि केही कलेजहरुले नियमविपरीत आफूखुसी विद्यार्थी भर्ना गरेको खुल्न आएको छ।
आयोगमा परेको उजुरीका आधारमा किष्ट मेडिकल कलेजले आयोगको नियमविपरीत आफूखसी दुई जना विद्यार्थी भर्ना गरेको छ। यस्तै अन्य कलेजले पनि आयोगको म्याचिङ नतिजाविपरीत विद्यार्थी भर्ना गरेको हुन सक्ने विषयमा आयोगमा उजुरी परेको छ। आयोगले उक्त उजुरीपछि सबै कलेजहरुलाई लक्षित गर्दै सार्वजनिक सूचना जारी गरेको छ।
सूचना अनुसार भर्नाको अवधि समाप्त भएपश्चात समेत केही मेडिकल कलेजहरुले आफूखुसी विद्यार्थी भर्ना गरेको सूचना आइरहेकाले गैरकानुनी रुपमा भर्ना गरेको पाइएमा उक्त भर्ना आधिकारिक नहुने र त्यस्तो कार्य गर्ने गराउने उपर कानुनअनुसार कारबाही हुने उल्लेख छ।
हेरौं सूचना
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1791562069.png)
