काठमाडौं- महाराजगञ्जस्थित मनमोहन कार्डियोथोरासिक भास्कुलर तथा ट्रान्सप्लान्ट सेन्टरमा मृत भेटिएका फार्मेसी अधिकृत अमृत पोखरेलको शव अझै उठ्न सकेको छैन। मृतकका आफन्त, श्रीमती तथा अस्पतालका कर्मचारीले छानबिनको माग गर्दै शव उठ्न नदिएका हुन्।
शुक्रबार बिहानै झुण्डिएको अवस्थामा पोखरेल मृत भेटिएका थिए। त्यसपछि घटनास्थल पुगेको प्रहरीले प्रक्रिया पुर्याएर शव उठाउन खोज्दा छानबिनको माग उठेपछि शव उठ्न नसकेको हो। मृत पोखरेलकी श्रीमती नर्स हुन्। उनी पनि सोही अस्पतालमा काम गर्छिन्।
अर्घाखाँचीको सितगंगा नगरपालिका घर भएका पोखरेल कपडाको पासो लगाई झुण्डिएको अवस्थामा मृत भेटिएका थिए। बिहान करिब पौन ८ बजे दुई तलामाथि स्टोर रुम नजिकको भर्याङ नजिक कपडाको पासो लगाएको अवस्थामा मृत भेटिएका थिए।
पोखरेलमाथि भएको थियो छानबिन
मृत भेटिएका पोखरेलमाथि अस्पताल प्रशासनले छानबिन गरेको पाइएको छ। ३५ वर्षीय फार्मेसी अधिृकत पोखरेललाई जिम्मेवारीबाट हटाएर छानबिन गरिएको पाइएको हो। छानबिन समिति नै बनाएर पोखरेलसहित ७ जनाविरुद्ध अस्पताल प्रशासनले छानबिन गरेको थियो।
सो क्रममा उनीमाथि सोधपुछदेखि स्पष्टीकरण समेत समितिले लिइसकेको पाइएको छ। बिहीबार मात्रै समितिले पोखरेलसँग सोधपुछ तथा स्पष्टीकरण लिएको हो। त्यसको भोलिपल्ट शुक्रबार उनी अस्पतालमै मृत भेटिएका हुन्।
दुरुत्साहनामा अनुसन्धान हुन सक्ने आधार देखिन्छन्
अनुसन्धानमा खटिएको प्रहरी टोलीले सुसाइड नोट समेत फेला पारेको छ। सुसाइड नोटमा समेत उनले आफूमाथि छानबिन भएका विषयहरु उल्लेख गरेका छन्। उनले आफूलाई फसाएर केही व्यक्तिहरु उम्कन खोजेको पनि सुसाइड नोटमा लेखेका छन्।
एक अनुसन्धान अधिकृतका अनुसार उनले सुसाइड नोटमा लेखेका छन्, ‘मलाई फसाएर उम्कन खोज्ने तिमीहरुको जय होस्।’ सुसाइड नोटमा उल्लेख गरिएका विवरणहरु हेर्दा दुरुत्साहनमा मुद्दा चल्न सक्ने आधारहरु देखिएको प्रहरी स्रोतले जनाएको छ। पीडित पक्षबाट दुरुत्साहनमा जाहेरी आएपछि प्रहरीले अनुसन्धान अघि बढाउने तयारी गरेको छ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
-1737002671.jpg)
