प्रभु महालक्ष्मी लाइफको एकीकृत कारोबार सुरु

कर्पोरेट

नेपाल लाइभ शुक्रबार, असार २९, २०८० १७:३८

काठमाडौं- प्रभु महालक्ष्मी लाइफ इन्स्योरेन्स लिमिटेडको एकीकृत कारोबार शुभारम्भ भएको छ। नेपाल बीमा प्राधिकरणका कार्यकारी निर्देशक राजुरमण पौडेलले शुक्रबार नयाँ स्थान्तरित केन्द्रीय कार्यालय भवनमा एकीकृत कारोबारको शुभारम्भ गरेका हुन्।

नेपाल बीमा प्राधिकरणले जीवन बीमा कम्पनीको चुक्ता पुँजी रु. ५०० करोड पुर्‍याउन निर्देशन जारी गरेपछि २०७९ असार ३० गते साविक प्रभु लाइफ इन्स्योरेन्स र महालक्ष्मी लाइफ इन्स्योरेन्स लिमिटेडबीच मर्जरको लागि सम्झौता भएको थियो।

नयाँ चुक्ता पुँजी ४२९.६ करोड बनेको छ। कर्मचारी ४४२ र कायम शाखा उपशाखा संख्या ११५ हुने कार्यक्रममा उल्लेख उल्लेख गरिएको थियो।

२०८० जेठ २६ गते साधारण सभाबाट एकीकृत कारोबारको निर्णय भएपछि नेपाल बीमा प्राधिकरण, कम्पनी रजिष्ट्रार कार्यालय र नेपाल धितोपत्र बोर्डबाट स्वीकृति लिएर आज मर्जर कार्य सम्पन्न भएको हो।
एकीकृत कारोबारको शुभारम्भ गर्दै प्राधिकरणका निर्देशक राजुरमण पौडेलले लामो समयको समस्या झेलेर पनि मर्जर कार्य सम्पन्न गरेकोमा शुभकामना दिए।

कार्यक्रमलाई समापन गर्दै अध्यक्षता गरिरहेका उमेशलाल श्रेष्ठले बीमा बजार झन्‌झन् प्रतिस्पर्धी हुँदै गइरहेको बताए। मर्जरपछि दुवै कम्पनीका कर्मचारीहरुलाई मिलाएर ऊर्जाशील बनाउने जिम्मेवारी दुवै कम्पनीका कार्यकारी प्रमुखहरुको काँधमा आएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

तीन उपकुलपति नियुक्त

दुई खर्ब भन्दा बढीले बढ्यो वैदेशिक सहायता

सम्पति शुद्धीकरण निवारणमा नेपालको अवस्था सुधार्न उच्चस्तरीय बैठक