काठमाडौं- पशु चौपायामा लागेको लम्पी स्किन रोगले किसान आहत हुँदा पनि सरकार मुकदर्शक भएको नेकपा एमालेले आरोप लगाएको छ। प्रतिनिधि सभाको शुक्रबारको बैठकमा आकस्मिक समय लिएर बोल्दै एमालेका प्रमुख सचेतक पदम गिरीले उक्त आरोप लगाएका हुन्।
‘किसानहरु पीडाको आहालमा बसिरहेका छन्, रोइरहेका छन्। उनीहरुले धर पाएका छैनन्। यस्तो अवस्थामा सरकार नाजवाफ भएर जिम्मेवारीविहीन भएर बस्न मिल्दैन,’ सांसद गिरीले भने।
सांसद गिरीले सरकारसँग पैसा नभए सांसद विकास पूर्वाधार विकास कार्यक्रमबाट रकमान्तर गरेर भए पनि किसानलाई राहत पुर्याउन माग गरेका छन्।
‘यदि सरकारसँग पैसा नभएर राहा नपुर्याएको भए अहिले सांसदहरुलाई विनियोजन भएको निर्वाचन क्षेत्र पूर्वाधार कार्यक्रमबाट रकमान्तर गरेर भए पनि किसानलाई राहत उपलब्ध गराउनु पर्यो,’ उनले माग गरेका छन्।
सांसद गिरीले उक्त रोगबाट पशु चौपाया मरेर किसानले ३७ अर्ब क्षति बेहोरेका दाबी गरेका छन्। यस्तो अवस्थामा सरकारलाई गम्भीर हुन पनि सांसद गिरीले माग गरेका छन्।
‘विज्ञहरुले यसले थप विकराल समस्या ल्याउँछ भनिरहेका छन्। गाउँमा प्राविधक पठाएको छैन। खोप पठाएको छैन। औषधि र मल्हम पट्टी पठाएको छैन। त्यही कारणले पशु चौपाया मरिरहेका छन्। यसतर्फ सरकारको गम्भीरतापूर्वक ध्यानाकर्षण गराउन चाहन्छु,’ सांसद गिरीले भने।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1771838848.png)
-1771837565.png)
-1764146706.png)
