रोमानियाको घटना सम्झँदै प्रकाश सपुतले भने– अहिले मानसिक रुपमा विक्षिप्त छु

समाचार

नेपाल लाइभ शुक्रबार, असार १५, २०८० १५:३०

काठमाडौं– रोमानियाको सांगीतिक प्रस्तुतिको क्रममा केही दिनअघि गायक प्रकाश सपुतलाई एक युवकले बोतल प्रहार गरे।

ती युवकलाई गायक सपुतले पछि माफी पनि दिए। यतिबेला उनले आफू उक्त घटनाबाट मानसिक रुपमा विक्षिप्त भएको बताएका छन्।

बिहीबार राति सामाजिक सञ्जालमा लामो स्टाटस लेख्दै प्रकाशले भने, ‘घट्नासँग अरु कुनै ख़राब नियत र उद्देश्य नजोडिएको भए पनि सार्वजनिक रुपमा भएको यो घट्नाले मेरो मनमा गहिरो चोट पुगेको छ। अहिले मानसिक रुपमा अलि विक्षिप्त भएको छु। हुन त सार्वजनिक छवि भएका संसारभरिका विभिन्न व्यक्तिहरुको जीवनमा आइपर्ने यस्ता घटना र किस्साहरु पढ्दै, सुन्दै आएको हो। तर स्वयम् आफू चाहिँ तयार भइसकेको रहेनछु। भर्खर यात्रा शुरु गरेको छु। यात्रा सजिलो छैन भन्ने त थाहा छ तर यस्तो अनेपक्षित घट्नाहरुले यात्रा अफ्ठ्यारो मात्रै होइन डरलाग्दो पनि रहेछ जस्तो अनुभव भइरहेको छ। कोभिड पछाडि यस्तो डर( एन्जाइटी)लाई पटक-पटक जित्दै आएको भएर यो डर पनि जित्ने छु।’

उनले मानसिक स्वास्थ्यको बारेमा खुलेर कुरा गर्नुपर्ने उल्लेख गर्दै आफ्नो मनस्थितिबारे बताए।

बरु बोतल प्रहार गर्ने युवकको मानसिक स्थितिलाई इंगित गर्दै उनले भने, ‘ सानो उमेरमा ठूलो रकम तिरेर विदेश जानुपर्ने बाध्यताले धेरै नेपालीमा चरम निराशा र मानसिक स्वास्थ्य समस्या देखिन थालेको छ। म विदेश कार्यक्रमहरुमा जादा प्राय सबै ठाउमा यो विषयमा छलफल हुने गरेको पनि छ। यो घट्ना एउटा संयोग मात्रै होइन हाम्रो बाध्यता र परिस्थितिको उपज पनि हो।’

उनले रोमानियाको उक होटलमा नेपाली दाजुभाइले आफूप्रति देखाएको प्रेमलाई पनि प्रस्तुत गरे।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

हेटौँडा जाँदै गरेको भारतीय नम्बर प्लेटको फोर्स गाडी दुर्घटना, ४ जना घाइते

पाकिस्तानमा सुरक्षा बल लक्षित आक्रमण, ७ जनाको मृत्यु, २१ जना घाइते

वरिष्ठ प्रहरी हवल्दार मृत फेला