काठमाडौं- उच्च अदालत पाटनले हिन्दी चलचित्रको प्रदर्शनमा रोक लगाउने काठमाडौं महानगरपालिको निर्णय तत्काल कार्यान्वयन नगर्न अल्पकालीन अन्तरिम आदेश जारी गरेको छ।
न्यायाधीश धीरबहादुर चन्दको एकल इजलासले अर्को सुनुवाइ नभएसम्मका लागि महानगरको उक्त निर्णय कार्यान्वयन नगर्न आदेश जारी गरेको हो।
उच्च अदालत पाटनले काठमाडौं महानगरपालिका मेयर बालेन शाहलाई लिखित जवाफसहित अदालतमा छलफल आउन आदेश गर्दै दुवै पक्षको सुनुवाइपछि फिल्मको प्रदर्शन रोक्नुपर्ने वा नपर्ने विषयमा निर्णय लिइने भनिएको छ।
फिल्म हलवालाहरुले महानगरको निर्णय विरुद्ध उच्च अदालत पाटनमा रिट दायर गरेका थिए। उनीहरुले आदिपुरुष फिल्मको डाइलगको विवादलाई लिएर सम्पूर्ण फिल्महरुमाथि प्रतिबन्ध लगाउनु गलत भएको भन्दै रिट दायर गरेका थिए।
अदालतले फिल्म चलाउन आदेश दिने बेझेपछि शाहले सामाजिक सञ्जालमा प्रतिवाद गर्दै आफूले चल्न नदिने अडान राखेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
