काठमाडौं- साफ च्याम्पियनसिप पुरुष फुटबल प्रतियोगितामा कुवेतविरुद्ध नेपालले एक गोल फर्काएको छ। यसअघि कुवेतले नेपालविरुद्ध ३ गोल गरिसकेको छ।
तेस्रो गोल कुवेतले पेनाल्टीमार्फत् गरेको हो। त्यसको केही समयमा नै नेपालका लागि अञ्जन विष्टले एक गोल फर्काएका हुन्।
६८ औं मिनेटमा अञ्जनले गोल गरेका हुन्। पहिलो हाफमा दुई गोल गरेको कुवेतले दोस्रो हाफको सुरुवातमै तेस्रो गोल गरेको हो। कुवेतका लागि दोस्रो गोल ४२औं मिनेटमा सबाइबल खादीले गरेका थिए। डिबक्सबाट डिफेन्डरलाई छलाउँदै उनले हानेको प्रहार गोल भएको थियो।
यसअघि कुवेतका क्याप्टेन खालिद हजियाले गोल गरेका थिए। २३औं मिनेटमा कर्नर किकमार्फत वाउन्स हुँदै आएको बललाई छातीमार्फत हजियाले जाली चुमाएका थिए।
१४औं संस्करणको साफको पहिलो खेलमा नेपालले आमन्त्रित टिम कुवेतसँग प्रतिस्पर्धा गरिरहेको छ। यो खेल भारतको बैंगलोरस्थित श्री कांतिराव स्टेडियममा भइरहेको छ।
साविकको उपविजेता रहेको नेपालमाथि कुवेत हाबी भइरहेको छ। कुवेतसँग नेपालबीच यसअघि ९ पटक प्रतिस्पर्धा भएको थियो। जसमध्ये ८ खेलमा कुवेत विजयी भएको छ भने १ खेल बराबरीमा सकिएको छ। पछिल्लो पटक सन् २०२२ को जुनमा एसिया कप छनोटको तेस्रो चरणमा कुवेतले नेपाललाई ४-१ ले पराजित गरेको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
