सुरक्षा/अपराध

कुख्यात मानव तस्कर सुनबहादुर ठगी आरोपमा पक्राउ

नेपाल लाइभ मंगलबार, असार ५, २०८० १२:३६

काठमाडौं- कुख्यात मानव तस्करको नामले चिनिएका नुवाकोटका सुनबहादुर तामाङ ठगी आरोपमा पक्राउ परेका छन्। नुवाकोटको दुप्चेश्वर गाउँपालिका–१ घ्याङफेदी घर भएका ५५ वर्षीय सुनबहादुरलाई प्रहरीले काठमाडौंको माकलबारीबाट पक्राउ गरेको हो।

यसअघि पटकपटक मानव बेचबिखनको आरोपमा पक्राउ पर्दै छुट्दै गरेका पूर्व वडाध्यक्ष समेत रहेका उनलाई काठमाडौं उपत्यका अपराध अनुसन्धान कार्यालयले पक्राउ गरेको हो।

जापान पठाउने भन्दै उनले एक महिलाबाट १२ लाख रुपैयाँ लिएर ठगी गरेको उजुरी परेपछि पक्राउ गरिको हो। जापानमा मासिक १ लाख कमाइ हुने गरी कृषि काममा र पठाइदिने र त्यसका लागि १२ लाख लाग्ने भन्दै रकम लिएर उनले ठगी गरेको पाइएको छ।

पक्राउ परेका सुनबहादुरलाई थप कारबाहीका लागि वैदेशिक रोजगार विभाग ताहाचल पठाइएको छ। सुनबहादुरले यसअघि २ सयभन्दा बढी नेपाली चेलीहरुलाई भारत लगेर बेचेको आरोप लागेको थियो।

सम्बन्धित समाचार

एक वडाअध्यक्ष जसले दुई सय चेली वेश्यालय पुर्‍याए

सुनबहादुर फेरि जेल चलान

साथीको हत्या गरी ३७ वर्षसम्म प्रहरी छल्दै हिँडेका सुनबहादुर समातिए

सर्वाेच्चको आदेशमा छुटेलगत्तै पक्राउ परे वडाध्यक्ष सुनबहादुर

मानव बेचबिखन मुद्दामा वडाध्यक्षलाई उच्च अदालतको सफाइ, ३७ वर्ष कैद सजाय स्थगित गर्न आदेश

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

दुर्गा प्रसाईं भक्तपुरस्थित निवासबाट पक्राउ

सुनको भाउ घट्यो

चोलेन्द्रका छोराले मागे थप सुरक्षा, परिवारको ज्यान जोखिममा परेको दाबी