काठमाडौं– सनराइज बैंक र देव्यानी इन्टरनेश्नल नेपालबी डिजिटल कारोबारलाई प्रवर्द्धन गर्न सन्राइज बैंकका ग्राहक वर्गहरुलाई विशेष छुट दिने सम्झौता भएको छ।
डिजिटल कारोबारलाई प्रवर्द्धन गर्ने उद्देश्य साथ बैंकले ग्राहकहरुलाई विभिन्न क्षेत्रमा छुट प्रदान गर्दै आएको छ। सोही क्रममा बैंकले केएफसी, पिजा हट र क्रिक बेलसँग सहकार्य गरी आफ्ना ग्राहकहरुलाई विशेष छुट दिने व्यवस्था गरेको हो।
सम्झौताअन्तर्गत सनराइज बैंकका ग्राहकहरुले बैंकको मोबाइल बैंकिङ्ग एपबाट नेपालपेको क्यूआर कोड स्क्यान गरी देव्यानी इन्टरनेशल नेपालद्वारा सञ्चालित केएफसी, पिजा हट र क्रिम बेलका देशैभरी रहेका आउटलेटमा भुक्तानी गर्दा १० प्रतिशत (अधिकतम् २०० प्रति कारोबार) क्यासब्याक तुरुन्तै पाउनेछन्। यो योजना २१ असार २०८० सम्मका लागि लागु गरिएको जनाइएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
