महांकालमा खुकुरी प्रहारबाट तीन जना घाइते, ९ जना पक्राउ

सुरक्षा/अपराध

नेपाल लाइभ बिहीबार, जेठ २५, २०८० २१:०३

काठमाडौं– ललितपुरको महांकाल गाउँपालिका वडा नम्बर ३ मा आपसी विवाद हुँदा खुकुरी प्रहारबाट तीन जना घाइते भएका छन्। उक्त घटनामा ९ जनालाई प्रहरीले पक्राउ गरेको छ।

सोमबार राति १० बजेतिर महांकाल गाउँपालिका–३ जप्का स्थित सडक बनाउने कामदारका रुपमा कार्यरत तीन जनामाथि खुकुरी प्रहार भएको थियो।

उक्त घटनामा तीन जना घाइते भएका छन्। घाइते हुनेहरुमा बर्दियाको मधुवन नगरपालिका–२ २ का सुनिल थारु, ललितपुरको कोञ्ज्योसोम गाउँपालिका–२ का सुजेन लामा र सोही ठाउँका रमेश लामा रहेका छन्।

खुकुरी प्रहार गर्नेमा ललितपुर महानगरपालिका महांकाल गाउँपालिकाका स्थानीय रहेका छन्। घटनामा संलग्न ९ जना पक्राउ परेका छन्। पक्राउ पर्नेहरुमा महांकाल गाउँपालिका–४ का सुमन घलान, सोही गाउँपालिका ५ का अनिस बजगाईं, सोही ठाउँका नविन वाइवा, महांकाल १ का विनोद न्यासुर, वडा नम्बर ८ शौरभ विक, ५ को विजय वाइवा, सोही आशिस बजगाईं, छिरिङ स्याङतान र वडा नम्बर ४ को प्रकाश घलान रहेका छन्।

पक्राउ परेकाहरुका साथबाट तीन थान मोटरसाइकल बरामद गरिएको प्रहरीले जनाएको छ। पक्राउ परेकाहरुमाथि ज्यान मार्ने उद्योग मुद्दामा ललितपुर अदालतबाट सात दिनको म्याद थप गरी अनुसन्धान भइरहेको प्रहरीले जनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

यु-१९ महिला विश्वकपमा नेपाल, उद्घाटन खेलमा बंगलादेशको सामना गर्दै

पूर्वप्रधानमन्त्री खनालको ‘क्षितिजबाट घाम’ सार्वजनिक

भारतको तमिलनाडुमा साँढे जुधाई क्रममा सात जनाको मृत्यु, ४०० घाइते