काठमाडौं– नेपाली सेनाको नेतृत्वमा विभिन्न सरकारी संस्था र दातृ संस्थाको सहकार्यमा सञ्चालित सफा हिमाल अभियानले चारवटा हिमालबाट ३५ हजार सात सय आठ किलो फोहोर संकलन गरेको छ। विश्व वातावरण दिवसको अवसर पारेर आयोजित समापन कार्यक्रममा सफा हिमाल अभियानको चौथो संस्करण सम्पन्न भएको हो।
२८ मार्चबाट सुरु भएको सगरमाथा, ल्होत्से, अन्नपूर्ण र बरुणत्से हिमालको सफाइ अभियान ५ जुनमा सम्पन्न भएको हो। अत्यधिक उचाइबाट फोहोर संकलन गर्ने जोखिमपूर्ण यात्रामा नेपाली सेना र शेर्पा गरी ९७ जना सहभागी थिए। संकलन गरिएको फोहोर काठमाडौं ल्याएर छुट्याई रिसाइकल पार्टनर क्रिएसनलाई हस्तान्तरण गरिने बताइएको छ।
अभियानका निर्देशक ब्रिगेडियर जनरल सुन्दरकुमार पाण्डेले चारवटा हिमालबाट ३५ हजार सात सय आठ किलो फोहोर संकलन गर्न सफल भएको बताए। ‘प्रतिकूल मौसम र अत्यधिक उचाइका कारण यात्रा अवश्य चुनौतीपूर्ण र जोखिमपूर्ण थियो, तर हाम्रा हिमालहरू सफा राख्ने यो अभियान सफलतापूर्वक सम्पन्न गर्यौं,’ उनले भने, ‘यो अभियानलाई सफल बनाउन मद्दत पुर्याएकोमा वातावरणप्रति जिम्मेवार सम्पूर्णमा धन्यवाद व्यक्त गर्छु।’
कोकाकोला फाउन्डेसनकी अध्यक्ष सादिया माड्सब्जर्गले कोकाकोला फाउन्डेसनको सफा हिमाल अभियानसँगको सहकार्यले वातावरणलाई फोहोरमुक्त बनाउने दृढ प्रतिबद्धतालाई थप सार्थक बनाएको बताइन्।
‘यी हिमालहरू प्राकृतिक सम्पत्ति हुन् र नेपालीका लागि सांस्कृतिक रूपमा पनि महत्व राख्छन्,’ उनले भनिन्, ‘यी हिमालहरूको पवित्रता जोगाउन हाम्रो सहयोगले पनि भूमिका खेल्नेछ र यस्ता अभियानहरूले जलवायु परिवर्तनविरुद्ध पहल गर्न नेपाल र विश्वभर नै प्रेरित गर्नेछ भन्ने हामीले अपेक्षा गरेका छौं।’
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
-1734881645.png)
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
