काठमाडौं– सामसङ नेपालले दसैं–तिहारको अवसरमा आफ्ना टिभी तथा होम अप्लायन्समा 'स्मार्ट अपग्रेड घरमा, लक्की सरप्राइज चाडमा' अफर ल्याएको छ। अफरअन्तर्गत ग्राहकले सामसङका टिभी तथा होम अप्लायन्स किन्दा दैनिक तथा साप्ताहिक लक्की ड्रमा सहभागी हुन, थप क्यासब्याक तथा पक्का उपहार प्राप्त गर्न सक्नेछन्।
यो अभियान २० सेप्टेम्बर २०२६ देखि १६ नोभेम्बर २०२६ सम्म सञ्चालन हुनेछ। अभियान अवधिमा सामसङको कुनै पनि टिभी, रेफ्रिजेरेटर, वासिङ मेसिन वा एसी खरिद गर्ने ग्राहकले आफ्नो खरिद दर्ता गरी सर्त तथा नियमअनुसार लक्की ड्रमा सहभागी हुन सक्नेछन्।
लक्की ड्रमा दैनिक ३१ जना विजेता छनोट गरिनेछ। दैनिक विजेताले सामसङको ९ केजी फ्रन्ट लोड वासिङ मेसिन वा सामसङको ५५ इन्च यूएचडी टिभीमध्ये कुनै एक उपहार जित्ने मौका पाउनेछन्।
यस्तै, साप्ताहिक रूपमा ८ जना विजेताले सामसङ एसी जित्ने मौका पाउनेछन्। लक्की ड्रमा सहभागी हुन अभियान अवधिमा सामसङको कुनै पनि टिभी, रेफ्रिजेरेटर, वासिङ मेसिन वा एसी खरिद गर्नुपर्नेछ।
त्यसपछि सामानको पछाडि टाँसिएको स्टिकरमा रहेको १४ अंकको सिरियल नम्बर प्रयोग गरी 'सामसङ स्पेस १४ अंकको सिरियल नम्बर' लेखेर ३७२७३ मा एसएमएस पठाउनुपर्नेछ।
एसएमएस पठाएपछि ग्राहकले तत्कालै एसएमएसमार्फत पुष्टि प्राप्त गर्नेछन्। लक्की ड्रका विजेताको घोषणा हरेक बुधबार इमेज च्यानलको 'म्युजिक अफ योर च्वाइस' कार्यक्रममा गरिनेछ । विजेताको सूची स्मार्ट प्लाजा र बिग डिजिटलको फेसबुक पेजमा समेत राखिनेछ।
लक्की ड्रमार्फत उपहार जित्ने अवसरसँगै ग्राहकले छनोट गरिएका सामसङ टिभी तथा होम अप्लायन्समा थप क्यासब्याक र अन्य उपहार पनि प्राप्त गर्न सक्नेछन्। टिभीमा २६ प्रतिशतसम्म क्यासब्याकका साथै नि:शुल्क साउन्डबार र छनोट गरिएका मोडलमा १२ महिनासम्म नि:शुल्क नेटटीभी प्याकेज उपलब्ध हुनेछ।
त्यस्तै, रेफ्रिजेरेटरमा २१ प्रतिशतसम्म क्यासब्याक र ५ हजार रूपैयाँसम्म एक्सचेन्ज बोनस उपलब्ध हुनेछ। वासिङ मेसिनमा १८ प्रतिशतसम्म क्यासब्याक र ३ हजार रूपैयाँसम्म एक्सचेन्ज बोनसका साथै छनोट गरिएका मोडलमा नि:शुल्क ६ केजी सर्फ एक्सेल म्याटिक डिटर्जेन्ट उपलब्ध हुनेछ।
यसैगरी, हुलास फिनसर्भ हायर पर्चेज लिमिटेडद्वारा सञ्चालित सामसङ इन्स्टा फाइनान्स सेवामार्फत ग्राहकले १२ महिना वा २४ महिनाको ईएमआई योजनामा उपकरण खरिद गर्न सक्नेछन्। नयाँ सामसङ होम अप्लायन्समा अपग्रेड गर्न चाहने ग्राहकले अर्कोस्टोरमार्फत वा नेपालभरका अधिकृत सामसङ रिटेल स्टोरबाट आफ्ना पुराना उपकरण एक्सचेन्ज गर्न सक्नेछन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791822485.png)
-1786602170.png)
