सनस्क्रिन दुई प्रकारका हुन्छन्। एउटा फिजिकल र अर्को केमिकल। फिजिकल सनस्क्रीनले यूभी रेजको (घाममा हुने) किरणलाई छाला भित्र छिर्न दिँदैन।
यो सनस्क्रिन छालाको बाहिरी भागमा बस्छ। केमिकल सनस्क्रिन छाला भित्र पस्छ र स्पोज जस्तै काम गर्छ। फिजिकल सनस्क्रिनले सेतो कणहरु छोड्छ जसले गर्दा गहुँगोरो वर्ण भएको मानिसमा राम्रो देखिँदैन। फिजिकल सनस्क्रिनले एक्दमै छिटो काम गर्छ।
डा अमृता श्रेष्ठ
छालामा लगाउने बित्तिकै काम गर्छ तर यसलाई २-३ घण्टापछि फेरि लगाउनु पर्छ। केमिकल सनस्क्रिन घाममा निस्किनु भन्दा २० मिनेट अगाडि लगाउनु पर्दछ। केमिकल सनस्क्रिन लगाउँदा छालाको प्रकारमा ध्यान दिनु पर्छ।
म्याट र टिन्टेड फिजिकल सनस्क्रिनले छालामा सेतो धब्बा छोड्दैन र यसले छालालाई मुलायम बनाउँछ।
जिंक ओक्साईड र टाईटेनियम डाईओक्सआइड छ भने त्यो फिजिकल सनस्क्रिन हुन्छ तर एवोवेन्जोन, अक्सिबेन्जोन, अक्टिनोक्सेट र टिनोसोर्व छ भने त्यो केमिकल सनस्क्रिन हो।
टिन्टेड सनस्क्रिन मिनिरल बेस्ड सनस्क्रिन हो। यसमा आइरन अक्साइड वा पिग्मेन्टरी टाईटानियम डाईअक्साइड हुन्छ जसले भिसिब्ल लाइटलाई ब्लक गर्दछ।
चायाँ पोतो आउने र घाममा निस्किने बित्तिकै चाँडै कालो हुने छालाको लागि टिन्टेड सनस्क्रिन एकदमै राम्रो हुन्छ।
(श्रेष्ठ छाला तथा यौन रोग विशेषज्ञ हुन्)
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1775575666.png)
