सांसद अमरेशकुमार सिंहको टिप्पणी : संसदमा बोलेको बाहिर सहमति गरेर हटाउन पाइदैन

राजनीति

नेपाल लाइभ आइतबार, जेठ १४, २०८० १२:२७

काठमाडौं - स्वतन्त्र सांसद अमरेशकुमार सिंहले देशका कुनै पनि ठाउँ समावेश नभएको आरोप लगाएका छन्। संयुक्त सदनको वैठकको नियमावली संशोधन प्रस्तावमा बोल्दै उनले संसदमा तीन दलहरुले मिलेर बाहिर सहमति गर्ने अनि संसदमा सुनाउने गरेको भन्दै उनले आलोचना गरे।

उनले संविधानले सवै जाति, वर्गको प्रतिनिधित्व गराउने भनि परिकल्पना गरेको तर अहिले राज्यका निकायहरुमा यस्तो नभएको दावी गरे। उनले राष्ट्रपति, प्रधानमन्त्री, प्रतिनिधि सभाको सभामुख, राष्ट्रिय सभा अध्यक्ष, नेपाली सेनाको प्रमुख लगायत निकायमा को छ भनेर हेर्दा संविधान अनुसार नभएको दावी गरे।

अहिले चोरलाई चौतारो र साधुलाई सुली हुँदै आएको छ भन्दै उनले संवैधानिक निकायमा हुने नियुक्तीमा संविधानअनुसार नभइ आफ्नो मान्छे छानेर भइरहेको आरोप लगाए। उनले यसरी आफ्ना मान्छे सिफारिस गर्ने अनि सुनुवाई बिना नै नियुक्ति गर्ने गरेको भन्दै यस्ता कार्य गर्न नपाइने बताए।

उनले संसदमा राष्ट्रिय स्वतन्त्र पार्टी र राप्रपाका कारण मात्र संसदमा आवाज उठिरहेको नत्र कोही नबोल्ने अवस्था सिर्जना हुने बताए। उनले यसरी संसदमा आवाज दबाउने हो भने विद्रोह हुने उल्लेख गरे। विगतमा यस्तै हुँदा जनयुद्ध भएको भन्दै अहिले पनि यस्तो नर्गन उनले आग्रह गरे।

उनले तीन दलका विचमा पशुपतिको जलहरी विवादमा भएको सहमतीमा पनि आपात्ति जनाए। ‘संसदको कुरा बाहिर सिंहदबारमा सहमती हुन्छ यहाँ रेकर्डवाट हटाइन्छ,’ उनले भने, ‘जे हुनुपर्ने हो यही संसदमा छिनोफानो हुनुपर्छ । बाहिर छलफल गरेर यहाँ हटाउन पाइँदैन।’

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

फूलचोकी जंगलमा हराएका १३ जना भेटिए

आजदेखि पश्चिमबाट हिउँदे वर्षा सुरु

फूलचोकी जंगलमा १३ जना बेपत्ता , खोजीका लागि प्रहरी परिचालन