रक ‘एन’ रोलकी ‘रानी’ टीना टर्नरको निधन

संगीत

नेपाल लाइभ बिहीबार, जेठ ११, २०८० ०८:४७

काठमाडौं– रक ‘एन’ रोलकी ‘रानी’ का रुपमा चिनिने चर्चित गायिका टीना टर्नरको निधन भएको छ। अमेरिकामा जन्मिएकी टर्नरको ८३ वर्षको उमेरमा निधन भएको हो।

स्विट्जरल्याण्डको ज्यूरिच शहर नजिकको आफ्नो घरमा टिनाले अन्तिम श्वास लिएको उनका प्रतिनिधिले बताएका छन्। टर्नर विगत केही समयदेखि विभिन्न स्वास्थ्य समस्याबाट ग्रसित थिइन्।

क्यान्सर, स्ट्रोक र मिर्गौलाको समस्या कारण उनी पछिल्लो समय घरमा नै सीमित भएकी थिइन्। उनलाई सर्वकालीन महान रेकर्डिङ कलाकारमध्ये एक मानिन्छ।

टर्नरले आफ्नो करिअरको सुरुवात पछिल्लो सताब्दीको छैटौं दशकतिर सुरु गरेकी थिइन्। यो रक ‘एन’ रोलको सुरुवाती समय थियो।

‘व्हाट्स लव गट टु डु विथ इट?’ उनको सबैभन्दा चर्चित गीत हो। जसमा उनले प्रेमलाई ‘सेकेन्डह्यान्ड इमोशन’को संज्ञा दिएकी छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

ग्यास सिलिन्डर विस्फोट हुँदा १४ जना घाइते

कर्तव्य ज्यान मुद्दामा फरार २० बर्ष पछि पक्राउ

कीर्तिपुर क्रिकेट मैदानको स्तरोन्नतिको काम समयमै सक्न प्रधानमन्त्रीको निर्देशन