नक्कली भुटानी शरणार्थी प्रकरण : पूर्व गृहमन्त्री खाणलाई बयान सकेर टेकु फर्काइयो

समाचार

नेपाल लाइभ सोमबार, जेठ १, २०८० १४:५८

काठमाडौं- नक्कली शरणार्थी प्रकरणमा पूर्व गृहमन्त्री बालकृष्ण खाणको बयान सकिएको छ। जिल्ला सरकारी वकिलको कार्यालय काठमाडौंमा खाणलाई बयान गराइएको हो।

वैशाख २७ गते नक्कली शरणार्थी प्रकरणमा उनी पक्राउ परेका थिए। पक्राउ परेपछि सुरुमा ३ दिन म्याद थप गरिएको थियो। प्रहरीले आइतबार दोस्रो पटक ४ दिन म्याद थप गरेको छ। बयानका लागि अनुसन्धान टोलीले ६० भन्दा धेरै प्रश्न तयार गरेको थियो।

नक्कली शरणार्थी प्रकरणमा पैसाको लेनदेनदेखि प्रतिवेदन किन परिर्वतन गरियोसम्मका प्रश्न उनलाई सोधिएको थियो। अनुसन्धानका लागि सोधिएको प्रश्नमा खाणले के उत्तर दिए भन्ने कुरा अनुसन्धानकै पाटो भएकाले भन्न नमिल्ने एक सरकारी बकिलले बताए।

बयान सकिएपछि अब प्रहरीले अर्का राजनीतिक नेता टोपबहादुर रायमाझीको बयान लिनेछ। बयानमा क्रममा सचिव पाण्डेले रकम दिएको भनी स्वीकार गरेकाले उक्त रकमको बारेमा पनि सोधिएको थियो।

पूर्व गृहमन्त्री खाणको सोमबारको बयान सकिएको र म‌ंगलबार पुन: बयानका लागि ल्याइने जिल्ला सरकारी वकिलको कार्यालयले जनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

फागुन ५ मा प्रधानमन्त्री ओलीले लुम्बिनी प्रदेशसभा बैठकमा सम्बोधन गर्ने

फेसबुकमा नकारात्मक कमेन्ट र शेयर नगर्न कार्यकर्तालाई परराष्ट्रमन्त्री राणाको अनुरोध

चलचित्रसम्बन्धी अध्ययनका लागि छात्रवृत्ति