साताको पहिलो दिन सेयर बजारमा दोहोरो अङ्कको गिरावट

बैंक/बिमा/सेयर

नेपाल लाइभ आइतबार, वैशाख २४, २०८० १५:३६

काठमाडौं- साताको पहिलो कारोबार दिन आइतबार सेयर बजारमा दोहोरो अङ्कको गिरावट आएको छ। आइतबारको कारोबार सकिँदा सेयर बजारमा १९.१२ अङ्कले गिरावट आउँदै नेप्से परिसूचक १८५० कायम हुन पुगेको छ।

पछिल्लो साताको अन्तिम कारोबार दिन बिहीबार दोहोरो अङ्कले बढेको सेयर बजार अर्को कारोबार दिनमै भारी गिरावट हुन पुगेको छ। बिहीबार नेप्से परिसूचक १२.७३ अंक बढेर १८६९.७३ बिन्दुमा पुगेको थियो।

यस्तै, आइतबारको कारोबार रकम ६० करोड ८१ लाख रुपैयाँमा सीमित भएको छ। यो रकम पनि अघिल्लो कारोबार दिनको तुलनामा करिब ११ करोडले कम हो। आइतबार २३ कम्पनीको मूल्य बढ्दा १८७ कम्पनीको मूल्य घटेको छ। त्यस्तै, ८ को भने स्थिर रहेको छ।

यस्तै, उपसमूहका सबै सूचकमा भने गिरावाट आएको छ। आइतबार बैंकिङमा ९, विकास बैंकमा ३४, फाइनान्समा १९, होटल तथा पर्यटनमा ६३, जलविद्युतमा ४८, जीवन बीमामा ४०, उत्पादनमा ६, माइक्रोफाइनान्समा ४१, निर्जीवन बीमामा १०२, अन्यमा १० र व्यापार उपसमूहमा १० अङ्कको गिरावट आएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

तीन उपकुलपति नियुक्त

दुई खर्ब भन्दा बढीले बढ्यो वैदेशिक सहायता

सम्पति शुद्धीकरण निवारणमा नेपालको अवस्था सुधार्न उच्चस्तरीय बैठक