कांग्रेसले उपनिर्वाचनका लागि महामन्त्रीद्वय थापा र शर्मालाई खटाउने

राजनीति

नेपाल लाइभ आइतबार, चैत १९, २०७९ १५:२५

काठमाडौं– वैशाख १० गते हुने उपनिर्वाचनका लागि नेपाली कांग्रेसले महामन्त्रीद्वय गगन थापा र विश्वप्रकाश शर्मालाई खटाउने भएको छ। वैशाख १० गते प्रतिनिधि सभाका ३ वटा क्षेत्रमा उपनिर्वाचन हुन लागेकोमा कांग्रेसले २ वटा क्षेत्रमा उम्मेदवारी दिने जनाइएको छ।

कांग्रेसले तनहुँ १ र चितवन क्षेत्र नम्बर २ मा उम्मेदवारी दिने तयारी गरेको छ। कांग्रेसले तनहुँ क्षेत्र नम्बर १ मा महामन्त्री गगन थापालाई चुनावी कमाण्डर बनाएर खटाउने भएको छ। यस्तै, चितवन २ मा अर्का महामन्त्री शर्मालाई चुनावी कमाण्डर बनाएर पठाउने भएको छ।

आइतबार बिहान बसेको नेपाली कांग्रेस केन्द्रीय कार्यसम्पादन समितिको बैठकले महामन्त्रद्वय थापा र शर्मालाई उपनिर्वाचनको कमाण्डर बनाएर खटाउने निर्णय गरेको सहमहामन्त्री वद्री पाण्डेले जानकारी दिए।

उपनिर्वाचनका लागि सोमबार उम्मेदवारहरुको मनोनयन हुने कार्यक्रम छ। उम्मेदवारहरुको मनोनयनका क्रममा महामन्त्री थापा तनहुँ १ र शर्मा चितवन २ मा जाने भएका छन्।

कांग्रेसबाट तनहुँ १ मा गोविन्द भट्टराई उम्मेदवार बन्ने तय भएको छ। यस्तै, चितवन २ मा जितनारायण श्रेष्ठ उम्मेदवार बन्ने भएका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

माओवादीको आरोप- सरकारले संसदलाई अपहेलना गर्‍यो

धरहरा प्रवेश शुल्कबाट ३ महिनामा उठ्यो एक करोड ५२ लाख राजस्व

आइएमईको स्टोरी एम्बेसडर बने साइग्रेस