समितिले बुझायो प्रतिवेदन, दीर्घकालसम्मका योजना बनाएर काम गर्नुपर्ने सुझाव

नेपाल लाइभ सोमबार, फागुन २९, २०७९ १८:२६

काठमाडौं– प्रेमप्रसाद आचार्य आत्मदाह घटनाको अनुसन्धान गर्न गठन भएको समितिले प्रतिवेदन बुझाएको छ। सहसचिव नारायणप्रसाद रिसाल नेतृत्वको समितिले गृहसचिव विनोदप्रकाश सिंहलाई प्रतिवेदन बुझाएको हो।

आचार्यले गत माघ १० गते नयाँबानेश्वर संसद भवन अगाडि पेट्रोल छलेर आत्मदाह गरेका थिए। आत्मदाह गर्नुका कारणबारे उनले सामाजिक सञ्जाल फेसबुकमा लामो विवरणहरु उल्लेख गरेका थिए। त्यसपछि उक्त घटनाको अनुसन्धान गर्न समिति गठन भएको थियो।

समितिले घटनासँग सम्बन्धित निकाय तथा व्यक्तिहरुसँग बुझेर छानबिन सकेर प्रतिवेदन बुझाएको गृह मन्त्रालयका प्रवक्ता जितेन्द्र बस्नेतले नेपाल लाइभलाई जानकारी दिए। उक्त प्रतिवेदनमा धेरै विषयहरु समेटिएको र धेरै मन्त्रालयहरुले समन्वय गरेर काम गर्नुपर्ने देखिएको उनले बताए।

प्रेम आचार्य आत्मदाह प्रकरण : प्रहरीसमक्ष आत्महत्या दुरुत्साहनको उजुरी दर्ता

तत्काल गर्नुपर्ने कामहरु, मध्य र दीर्घकालीन योजना बनाएर गर्नुपर्ने कामहरुको सूचीसमेत तयार पारेर समितिले प्रतिवेदन बुझाएको प्रवक्ता बस्नेतले बताए।

आचार्यले विभिन्न व्यक्तिहरुको नामै तोकेर उनीहरुबाट आफू पीडित बनेको बताएका थिए। ती व्यक्तिहरुसँगसमेत सोधपुछ गरिएको उनले बताए।

यता जिल्ला प्रहरी परिसर काठमाडौंले आचार्यले नामै तोकेर लेखेका व्यक्तिहरुसँग पनि सोधपुछ गरिरहेको छ। उनीहरुलाई आत्महत्या दुरुत्साहनको मुद्दा चल्ने वा नचल्ने भन्ने विषयमा अहिले पनि परिसरले अनुसन्धान गरिरहेको छ।

यो पनि पढ्नुहोस्

प्रेम आचार्य आत्मदाह प्रकरण : बोल्न थाले केही नेताहरू, मुख्य नेतृत्व मौन

माइतीघरमा प्रदर्शन–‘अर्को जल्दो शरीर मेरो नहोस्’ [तस्बिरहरू]

‘म मरे पनि मेरो देश बाँचिरहोस्’ भन्दै आत्मदाहको प्रयास!

संघीय संसद् भवन अगाडि १ जनाद्वारा आत्मदाहको प्रयास

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

आजको मौसमः कतै सफा, कतै वर्षा र हिमपातको सम्भावना

किम चीन पुगेपछि दक्षिण कोरियाको आरोप- अमेरिकाविरुद्ध संयुक्त मोर्चाबन्दीको प्रयास

सुरुङमार्ग सञ्चालनपछि नागढुंगा प्रायः सुनसान