काठमाडौं– सर्वोच्च अदालतले क्रिकेटर सन्दीप लामिछानेलाई क्रिकेट खेल्नका लागि विदेश जान अनुमति दिएको छ।
अदालतका न्यायाधीशद्वय सपना प्रधान मल्ल र कुमार चुडालको इजलास सोमबार लामिछानेलाई क्रिकेट खेल्नका लागि विदेश जाने अनुमति दिएसँगै उनी खेल्नका लागि दुबई जाने बाटो खुलेको छ।
त्यस्तै, विदेश गएर आएपछिको १५ दिनभित्र अदालतललाई जानकारी समेत गराउनुपर्ने सर्वोच्चले भनेको छ। सर्वोच्चले सन्दीपलाई थुनामै राख्नुपर्ने आवश्यक नभएको भन्दै केही कारणहरू समेत खुलाएको छ।
पीडित भनिएकी किशोरी सन्दीपसँगै स्वेच्छाले होटल गएको–आएको सीसीटीभी फुटेजमा देखिएको सर्वोच्चले उल्लेख गरेको छ। त्यसैगरी, स्वेच्छाले नै घुम्नका लागि नगरकोटसम्म पुगेको पनि उल्लेख गरेको छ।
सन्दीपसँग होटलमा बिताएको रातको भोलिपल्ट खुशी हुँदै त्यस दिनका कुराहरु किशोरीले आफ्ना साथीहरुलाई समेत श्यर गरेको समेत व्याख्या गरिएको छ।
त्यसैगरी, मेडिकल रिपोर्ट लगायतले समेत बलात्कार पुष्टि गर्ने कुनै प्रमाण नभेटेको, स्पम नभएको, सन्दीपलाई भेटेपछिको भोलिपल्ट खुशी हुँदै किशोरीले आफ्नो ल्यापटपमा सन्दीपको जर्सी लगाएको फोटो ब्यागग्राण्डमा राखेको पाइएकाले बलात्कार नै हो भन्ने भनेर अहिले नै भन्न नसकिने सर्वोच्चले व्याख्या गरेको छ।
बलात्कार नै हो भन्ने पर्याप्त कारण नभएकाले उनलाई पुर्पक्षका लागि थुनामै राख्नुपर्ने भन्ने कारण नदेखिएको भन्दै धरौटीमा रिहा हुने उच्चका आदेशलाई सदर गरेको छ।
सम्बन्धित समाचार :
फास्ट ट्रयाकबाट सन्दीपको मुद्दा फैसला गर्न जिल्लालाई सर्वोच्चको आदेश
सन्दीपलाई विदेश जान सर्वोच्चको अनुमति
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
