काठमाडौँ– गायन रियालिटी सो ‘रियल फ्रुट जुस प्रिजेन्ट्स द भ्वाइस किड्स नेपाल’ सिजन–२ को प्रसारण आगामी फागुन २६ गतेबाट सुरु हुने भएको छ।
हिमालय टेलिभिजनमा हरेक शुक्रबार र शनिबार राति ८ बजेदेखि कार्यक्रम प्रसारण हुन लागेको कार्यक्रमका निर्देशक लक्ष्मण पौडेलले जानकारी दिए।
यसपटक पनि पहिलो एपिसोडदेखि ‘ब्लाइन्ड अडिसन’ एपिसोडहरू प्रसारण हुनेछन्। डिजिटल अडिसनमा सहभागी भएका हजारौं आवेदकबाट छानिएका ६५ जना प्रतिभाहरुले ब्लाइन्ड अडिसनमा कोचको सामना गर्नेछन्।
ब्लाइन्ड अडिसनमा कोचको कुर्सी घुमाउन सफल प्रतिभाहरुको सांगीतिक यात्रा त्यही बिन्दुबाट सुरु हुनेछ। हरेक कोचको टीममा छानिएका १२ जना प्रतिभाहरुले ब्याटल राउण्डमा प्रतिस्पर्धा गर्नेछन्।
यसपटक भ्वाइसको टीमले कोचमा सामान्य परिवर्तन गरेको छ। टीममा चर्चित गायक सुशान्त केसी नयाँ कोचका रुपमा भित्रिएका छन्। यसअघि दर्शकको मन जित्न सफल लोकप्रिय कोचहरु प्रमोद खरेल, प्रविशा अधिकारी र मिलन नेवार पनि भ्वाइस किड्स सिजन २ को कोचका रुपमा रहेका छन्।
भ्वाइस किड्स सिजन २ को टाइटल स्पोन्सरमा ‘रियल फ्रुट जुस’ रहेको छ। यस्तै पावर्ड बाई स्पोन्सरमा लाइफबोय र अलआउट अनुवन्ध भएका छन् भने कोस्पोन्सरमा भत्सल्य नेचुरल आईभीएफ रहेका छन्।
एसोसिएट स्पोन्सरहरुमा टफिचु चकलेट, डिजी स्कूल, रोहोतो हाडाल्याब अनुबन्ध भएका छन्। यो सिजनमा पनि भोटिङ पार्टनरको रुपमा खल्ती वालेट अनुवन्ध भएको छ भने मार्केटिङ पार्टनरका रुपमा एडप्याड रहेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1766673313.png)
-1764146706.png)
-1766648928.png)
-1763721444.png)
